Publicado en Cómic, Dexónos

Dexónos Quino, creador de Mafalda y unu de los dibuxantes n’español más internacionales

Esti miércoles finó Joaquín Lavado, más conocíu pol so llamatu y pseudónimu: «Quino». Creador de la inolvidable Mafalda y unu de los dibuxantes n’español más internacionales. Les sos certeres palabres viaxaron a entrambos llaos del Atlánticu gracies a les sos viñetes y el so peculiar sentíu del humor. Desenvolvió les aventures el so personaxe más popular ente 1964 a 1973, anque les sos historietes retrucáronse en tol mundu hasta l’actualidá. Foi galardonáu col Premiu Príncipe d’Asturies de Comunicación y Humanidaes y la Medaya de la Orde y les Lletres de Francia. Vamos recordalu poles sos hestories, la so mirada crítica y de reflexón de la sociedá al traviés d’una neña que ye inspiración de delles xeneraciones.

Esta reproducción de Mafalda esta permanentemente nel Campu de San Francisco n’Uviéu. Inauguróla Quino cuando vieno recoyer el Premiu Príncipe d’Asturies actual Premio Princesa d’Asturies, en 2014.

 

Sigue leyendo «Dexónos Quino, creador de Mafalda y unu de los dibuxantes n’español más internacionales»

Publicado en Día de...

Día Mundial del Corazón

La Organización Panamericana de la Salú y l’Organización Mundial de la Salú, celebren el 29 de setiembre’l Día Mundial del Corazón.1​

La Federación Mundial del Corazón col sofitu de la OMS y l’UNESCO designó nel 2000 el día 29 de setiembre como’l primer Día Mundial del Corazón. Esto obedeció, a una estratexa para poder tener la oportunidá de dar a conocer masivamente les enfermedaes cardiovasculares, la so prevención control y tratamientu. La primer vegada que se celebró foi de forma coordinada ente tolos países.

En collaboración cola OMS, la Federación Mundial del Corazón entama en más de 100 países eventos qu’ayuden a faer conciencia sobro los problemes cardiovasculares, esti tipu d’enfermedaes como l’infartu de miocardiu y l’accidente cerebrovascular son desafortunadamente les más mortíferes del mundu, bastante ye que cóbrense nel mundu 17,1 millones de vides al añu.

Sigue leyendo «Día Mundial del Corazón»

Publicado en Concursu

V Concursu «Entaína a escribir»

Pal martes 29 de setiembre, dientro de los actos programaos na 41 Selmana de les Lletres Asturianes, ta convocada la quinta edición del «Entaína a escribir», el concursu de microrrellatos improvisaos n’asturianu pa la xente mozo d’ente 14 y 35 años.
Pa participar hai que mandar un corréu a cridj@asturias.org, indicando’l nome y los dos apellíos y la fecha de nacencia. Les inscripciones puen facese hasta’l 28 de setiembre de 2020. Na gala, que va guiar Dolfo Camilo Diaz, tamién van presentase les obres ganadores de los Premios Asturies Xoven de Poesía (Miguel Rodríguez Monteavaro), narrativa (Nicolás Bardio) y teatru (Cristian David Lopez).
Publicado en Día de...

Día Européu de les Llingües

 

Güei ye’l #DíaEuropéudelesLlingües. Un día pa siguir recordando la necesidá de que l’#asturianu y el gallego-asturianu seyan llingües oficiales.

Si quies echar un gabitu pa caltener el futuru del #asturianu y pa que sigamos trabayando nesi camín, aprovecha y súmate yá a Iniciativa pol Asturianu dende 20 euros al añu. ➡️ https://iniciativapolasturianu.org/faite-sociu/

Sigue leyendo «Día Européu de les Llingües»

Publicado en Reconocimientu

Medaya d’Oru d’Asturies a Vincent García Riestra

Escaecíu poles autoridaes asturianes y españoles per décades, la historia de Vicent García Riestra llegó al nuesu país de la mano de Xuan Santori y la so obra ‘42.553: depués de Buchenwald’, que mereció’l XXIII Premiu Máximo Fuertes Acevedo d’ensayu, correspondiente al 2017.
Foi nesi momentu, cola so visita a Asturies por mor de la espublización del llibru, cuando comenzaron los reconocimientos a la so figura, qu’agora se coronen cola Medaya d’Oru del país, anque a títulu póstumu. Asturies comienza’l procesu pa entrega-y la so medaya d’oru a Vincent García Riestra

Sigue leyendo «Medaya d’Oru d’Asturies a Vincent García Riestra»

Publicado en Sin categoría

41 Selmana de les Lletres

La 41 Selmana de les Lletres va abrise’l día 28 col homenaxe a la escritora María Teresa Villaverde, Tuxa, y un conciertu de la OSPA baxo la dirección d’Óliver Díaz. La programación va incluyir un documental sobre la vida y obra de Tuxa.

La Conseyería de Cultura, Política Llingüística y Turismu publicó’l programa de la Selmana de les Lletres Asturianes, l’eventu más importante alredor de la lliteratura n’asturianu y gallego-asturianu que se convoca n’Asturies. La cita, programada pal mes de mayu pasáu, aplazóse pola crisis provocada pola covid-19 y va celebrase la selmana del llunes 28 de setiembre al vienes 2 d’ochobre.

Na so 41 edición, la Selmana de les Lletres recupera la figura de la escritora María Teresa Villaverde, Tuxa (1882-1934), a quien homenaxa cola edición del llibru ‘Postrer adiós. Prosa, poesía y teatru’, y el documental ‘Tuxa, tradición y sentimientu’.

Tuxa foi una escritora del Rexonalismu de la primer metá del sieglu XX qu’escribió poesía y narrativa, y firmó obres de teatru.

Al Día del Llibru Asturianu, que se celebra’l vienres 2 d’ochobre, van sumase anguaño 47 llibreríes de toa Asturies, que van sacar los sos puestos a la cai y aplicar un 10 % de descuentu na compra de llibros y discos n’asturianu, amás de regalar un exemplar del mentáu Postrer adiós. Prosa, poesía y teatru, hasta fin d’existencies.

Sigue leyendo «41 Selmana de les Lletres»

Publicado en Asturies, Día de...

Día d’Asturies

El 8 de setiembre celebramos el Día d’Asturies, que coincide cola festividá de la Virxe de Cuadonga, Patrona del nuesu Principáu.


¡Feliz 8 de setiembre y Puxa Asturies! Ver videu

Ver felicitación d´A3 Media

Orixe: Esta celebración remóntase a la dómina visigoda, cuando Don Pelayo lluchaba contra los árabes qu’invadieron Asturies. Cunten que la Virxe ayudó a los cristianos, provocando un desprendimientu de roques qu’abrasó l’exércitu árabe. Asina ayudó na victoria de la Batalla de Cuadonga, que ta considerada como l’entamu de la Reconquista. El Día d’Asturies foi institucionalizáu pola Llei 5/1984, descrita equí.

 

Fonte: Pinceladas de Asturias

 

 

 

Publicado en NATURA

La lluna ta aferruñándose

La lluna ta aferruñándose y ye posible que sía por causa de la Tierra
Ver artículu orixinal 2020/09/08 n´Ecoosfera

Siendo un cuerpu celeste ensin osíxenu y ensin agua, la lluna ta aferruñándose y los astrónomos creen que ye por cuenta de la Tierra.

¿Por qué la lluna ta aferruñándose? Ye un fechu que’l satélite natural de la Tierra ta tiñéndose d’un llixeru color coloráu. Lamentablemente, les investigaciones apunten a que’l planeta qu’habitamos pue ser la razón.

Según astrónomos del Llaboratoriu de Propulsión a esquita de la NASA, na lluna afayáronse depósitos de hematita. Xusto na superficie del satélite, nes llatitúes altes, atopóse esti mineral del óxidu férrico.

Sigue leyendo «La lluna ta aferruñándose»

Publicado en Sin categoría

Toles banderes d’asturies

¿Cuántes banderes tuvo Asturies? ¿Cuántes tien? Habrá quien diga qu’una namás. Otros dirán que namás tien una oficial y tien otres oficioses… Lo cierto ye que nenguna de les dos coses son ciertes. Asturies tien delles banderes oficiales (o, en tou casu, delles variantes d’una mesma bandera) y una bona riestra de banderes populares. Nesti artículu vamos facer un repasu de toes elles.

Les banderes oficiales: La bandera oficial “pura”:

La bandera oficial d’Asturies ye azul cola cruz de la victoria enriba. Esta cruz ha tar centrada y llevar embaxo una alfa y una omega. L’Alfa ye mayúscula y la omega minúscula. Primero de 1990 (añu nel que s’aprobó la llei de bandera), había munches versiones cola omega mayúscula, pos Xovellanos, el creador de la bandera, nunca especificó si éstes habíen ser mayúscules o minúscules. Hai que recordar que l’alfa y la omega nun tán presentes na cruz de la victoria, pero sí en bien d’eidificios públicos de Reinu d’Asturies como la fonte de Foncalada, n’Uviéu.

 

Sigue leyendo «Toles banderes d’asturies»

Publicado en Día de..., NATURA

Día Internacional del aire llimpio per un cielu azul

 

Videu: El aire y la necesidad de ventilar

«Pasamos ente’l 80-90% de les nueses vides nel interior d’edificios»

L’aire llimpio ye importante pa la salú y la vida cotidiana de les persones, y la contaminación atmosférica ye’l mayor riesgu ambiental pa la salú humana y una de les principales causes de muerte y enfermedá en tol mundu que podríen evitase. Dicha contaminación afecta de manera desproporcionada a les muyeres, los neños y a les persones d’edá avanzada y tien efectos negativos nos ecosistemes.

En septiembre de 2019, l’Asamblea Xeneral de les Naciones Xuníes designó’l 7 de setiembre como’l Día internacional del aire llimpio. Dáu’l contestu actual de la pandemia de COVID-19, el día asume un papel entá más importante al destacar la urxencia d’encetar la contaminación del aire en beneficiu de la salú humana.

Sigue leyendo «Día Internacional del aire llimpio per un cielu azul»

Publicado en Artículos, RTPA

Los xardinos de La Fonte Baixa

DATOS D’INTERÉS:  Distancia y duración averada de la visita: 3h – 5km

Preciu: 3 euros adultu (de baldre hasta’l 10 de Julio 2020).
Esiste tamién un bonu añal de 10€ con accesu ilimitáu para tol añu.

Horariu de visita: De 10:30 a 19:30 (ensin llinde de permanencia).
Nun ye necesariu acutar pal accesu llibre, solo para les visites empuestes.
Visites empuestes tolos díes a les 12:00 y a les 18:00.
Reserves para les visites empuestes en: 615148630 – 678865276

Esta xoya verde yá ye unu de los mayores atractivos turísticos de L.luarca

Sigue leyendo «Los xardinos de La Fonte Baixa»

Publicado en Llibros Adultos, Premios

«Memoria de Tuña» d’Antón García

«Memoria de Tuña», d’Antón García, meyor llibru n’asturianu del añu 2019 pa la Tertulia Malory

 

La Tertulia Malory, de L’Entregu, escoyó como meyor llibru n’asturianu de tolos que s’editaron nel 2019 la novela Memoria de Tuña, del escritor , editor y actual Director Xeneral de Política Llingüística del Gobiernu d’Asturies, Antón García.

El xuráu destacó, nel acta del fallu, «La novela guarda una unidá tonal, l’autor ye quien a construir, a partir de la señaldá y el sentimientu, un universu simbólicu, onde con emoción controlada facer un homenaxe al pueblu, la familia, la infancia y la tradición”, amás de la calidá de la producción lliteraria n’asturianu del añu 2019, lo que fixo que la decisión de premiar la novela d’Antón García se garrara por mayoría.

El gallardón consiste nuna ilustración d’Alfonso Zapico y una medaya conmemorativa, que se van entregar nun actu públicu en L’Entregu en feches próximes.

 

Sigue leyendo ««Memoria de Tuña» d’Antón García»

Publicado en Cómic, Premios

XII premiu Alfonso Iglesias de Cómic

Alberto Vázquez García gana’l XII premiu Alfonso Iglesias de Cómic en llingua asturiana cola obra «El sol na escombrera».
El xuráu destaca l’”enfoque realista, la propuesta sobria y el dibuxu personal y característicu” del autor, que narra nel so trabayu la vida d’un neñu de la guerra asturianu. La obra «El sol na escombrera», del creador Alberto Vázquez, consiguió’l Premiu Alfonso Iglesias de Cómic en llingua asturiana d’anguaño, falláu ayeri n’Uviéu. El dibuxante mierense yá llograra’l gallardón na so novena edición col títulu «Los llazos coloraos».
El xuráu, que valoró “la variedá y l’interés” de tolos trabayos presentaos, destaca “l’enfoque realista y la propuesta sobria” de la obra ganadora, que narra la vida de José Fernández Sánchez, un neñu asturianu de la guerra, “un tema poco tratáu nes artes visuales”, según puntualiza l’acta de la deliberación.
El fallu señala tamién la calidá d’“un estilu de dibuxu característicu y personal, yá consolidáu”, y la brillante ellaboración d’una obra envuelta nun tonu de señardá que reflexa a la perfección el de les memories del protagonista” nes que se basa’l cómic.