Mes: octubre 2020

Publicado en Llibros Adultos

Sobro´l llibru, la lliteratura y dalgo más…

Publicado el por Isa Lobo ツ

Aautor y fonte d´estes reflexones d´interés pa los escolinos: Facebook de Rafa Valdés

El términu ‘lliteratura’, que presupón l’usu de la lletra, da por sabío que les obres verbales d’imaxinación se tresmiten per aciu de la escritura y de la llectura. Ye evidente que la espresión ‘lliteratura oral’ ye un contrasentíu. Por embargu, vivimos nun tiempu onde la capacidá de lleer ye tan xeneral que ye difícil que pueda reclamase como criteriu estéticu.
La PALABRA, falada o cantada, en xunto cola imaxe visual del locutor o cantor, recuperó’l dominiu gracies a la inxeniería llétrica. Una cultura basada nel llibru impresu, que mandó dende’l Renacimientu hasta va poco, dexó -a más de bayura escomanao- esnobismos que tenemos que desdexar. Tenemos de dirixir una nueva mirada pa la tradición, y considerala, non como l’aceptación inerte d’un cuerpu fosilizáu de temes y convenciones, sinon como l’hábitu orgánicu de re-crear lo que nos dexaron y lo que tenemos dexar pa otres.
Del prefaciu del profesor Harry Levin a The Singer of Tales.
«El llibru atrayíalu, o con más exactitú, tranquilizábalu. De dalguna manera, nun-y taba contando nada nuevo, pero esa yera parte de l’atracción. Dicía lo qu’él dixere si pudiere poner n’orde los sos pensamientos tremaos, Yera’l productu d’una mente asemeyada a la de so, pero escomanadamente más poderosa, más sistemática, menos temerosa. Los llibros meyores, pensó, son aquellos que te cuenten lo que yá sabes.».
Fragmentu de la traducción al asturianu de 1984 d’Orwell, fecha por Xesús Glez. Rato pa la colección Calume d’Ediciones Trabe.
Publicado en Samaín

Nueche d´ánimes!

Publicado el por Isa Lobo ツ

espubliza esti artículu nel so blogue, «Asturies tien hestoria»

 «Andái de día»

Corrí pente la viesca buscando deseperadamente un cruceru, pero nun reconocía onde taba. Miraba pa la mio arrodiada y los mios güeyos nun podíen trespasar la escuridá que m’envolvía ¿Au taba la lluna? ¿Y les estrelles? 

Siguí corriendo y, de sóbitu, una lluz apaeció delantre de min. Cayí de rodielles énte’l fulgurante rellumar d’aquella foguera azul. Intenté dame la vuelta p’afuxir, pero la foguera apaecía ellí onde posaba la güeyada. Taba perdayuri y al tiempu nun taba en nengún lláu. Alcé la tiesta, tapándome’l rostru coles manes, y acerté a ver como una cadarma traviesaba les llamaradaes, blandiendo nuna mano una foz y na otra les sos tripes cuasi podres. Una voz surdió de les mesmes coraes de la tierra, provocando que’l suelu entamare a tremecer y que s’abrieren enormes falles poles que salíen más llamaraes entá.

Publicado en Cómic, Llibros Adultos, Llibros Reciella, Novedaes

«Tintín viaxa a la Lluna y pasia pel satélite»

Publicado el por Isa Lobo ツ

El xueves viniente, 5 de payares, va tar a la venta nes llibreríes del país ‘Oxetivu la Lluna’, númberu 16 de ‘Les aventures de Tintín’. Trátase del primer cómic del personaxe creáu por Hergé lleváu al asturianu poles editoriales catalanes Zephyrum y Trilita, que se va completar a finales de mes con ‘Pasiando pela Lluna’.

D’esta forma, la llingua asturiana incorpórose, xunto al mallorquín, al proyeutu d’estes dos empreses pa llevar les histories de Tintín a llingües minorizaes del Estáu qu’arrancó l’añu pasáu con ‘Les Bijoux de la Castafiore’, númberu 21 de la serie, que tuvo tornes n’aragonés, aranés, eusquera, gallegu y al nomáu n’Estremaúra ‘castúo’. “Punxéronse en contauto con nós munches persones d’Asturies intereaes en lleer a Tintín n’asturianu y por esti motivu agora facemos estes dos versiones”, esplica Albert Mestres, responsable de Trilita Ediciones.

Pa la realización del proyeutu escoyóse a María Xosé Rodríguez López, responsable tamién de les esitoses tornes d’Astérix al asturianu, pa trayer los testos d’estos dos cómics de Tintín del francés al nuesu idioma. Mentes, Xesús González Rato encargóse tamién de la correición.

Sigue leyendo ««Tintín viaxa a la Lluna y pasia pel satélite»» →

Publicado en Día de...

Día del Llibru Asturianu

Publicado el por Isa Lobo ツ

Día del Llibru Asturianu. 41 Selmana de les Lletres Asturianes.

El vienres 2 d’ochobre celébrase’l Día del Llibru Asturianu, aplazáu dende mayu por mor de la Covid-19. Súmense a la celebración les principales llibreríes d’Asturies, qu’esi día fain un 10% de descuentu y obsequien a quien compre llibros o discos n’asturianu cola edición de la obra de María Teresa Villaverde, «Postrer adiós; Prosa, poesía y teatru» (o un nuevu númberu de la revista «Trabatel», pal gallego-asturianu).
Per primer vez, a la publicidá institucional en radios y periódicos animando a celebrar el Día del Llibru Asturianu súmase una campaña na TPA baxo’l lema «Atrévite a lleer» («Atrévete a ller» en gallego-asturianu) na que se va emitir esti anunciu.
El Día del Llibru Asturianu celébrase dende 1989. Aquel añu cumplíase’l 150 aniversariu de la publicación de la «Colección de poesías en dialecto asturiano»(1839), de Xosé Caveda y Nava, al que se-y dedicó la Selmana de les Lletres Asturianes. El gobiernu asturianu planteó a l’Asociación de Llibreríes d’Asturies la posibilidá de celebrar el llibru n’asturianu y l’Asociación pidió que coincidiera col vienres de la Selmana de les Lletres. Más tarde abrióse la celebración tamién al gallego-asturianu.
Publicado en Día de..., Fiestes

Llega la Nueche d’Ánimes

Publicado el por Isa Lobo ツ

La nueche del 31 d’ochobre ye la Nueche d’Ánimes. Una xornada mui prestosa enraigonada nes nueses tradiciones, lloñe del actual Halloween.

¿Qué se celebra? L’añu nuevu celta; el pasu del branu al iviernu, cuando la escuridá gana a la lluz. Trátase d’una fiesta de transición y d’apertura al otru mundu.

¿Cuándo ye? La nueche del 31 d’ochobre. Los pueblos celtes consideraben que por esta fecha los espíritus de los muertos tornaben al mundu de los mortales.

¿Vienen a facer daqué malo? Non. Pue haber espíritus malos, a los que se-yos alloña con una serie de rituales, pero en realidá ye una xornada na que comunicar colos familiares y xente querido finada.

¿Qué rituales se faen? Tradicionalmente, dexábase comida y agua fuera de les cases pa los difuntos, a los que se-yos atrayía mediante la lluz. Pa ello, nun primer momentu, agüecábense nabos pa meter fueu o veles nel so interior, anque llueu tamién se facía con calabaces. Gracies a estes aiciones, los difuntos saben llegar a les sos cases al mesmu tiempu que se protexe a la vivienda de los malos espíritus.

¿Estes tradiciones caltiénense n’Asturies? Sí, anque nes ciudaes grandes tán mui contaminaes pola festividá de Halloween, de moda gracies al cine y la televisión. En dalgunos pueblos asturianos tovía se pueden ver calabaces nesta nueche allumando la puerta de les cases y los cruces de camín.

Pero, ¿ye lo mesmo Samhain que Halloween? En realidá celebren lo mesmo, anque de diferente forma. El Halloween que conocemos ye la evolución que vivió l’añu nuevu celta nos Estaos Xuníos por mor de la emigración irlandesa. Al paecer, el so nome vien de ‘all hallow’s even’, vixilia de Tolos Santos, que camudó col pasu del tiempu a Halloween. Como de xuru yá conoces, los neños y neñes disfrácense de personaxes de terror y van peles cases pidiendo dulces. Esto último tamién lo facíen los rapacinos y rapacines asturianes, anque’l refugu de la Ilesia finó con esta tradición.

¿Y Tolos Santos? Como pasó con otres munches celebraciones paganes, como colos solsticios, lo que fixo la Ilesia católica foi adaptaes al so gustu. Asina, Samhain o la Nueche de los Difuntos, como se conoz n’Asturies, pasó a la modernidá como la viéspora del Día de Tolos Santos, que se celebra’l 1 de payares. Nél se rinde cultu a los santos, anque la población, por cuenta de la tradición, tamién lo fai a los difuntos. Asina, anguaño nesti día ye habitual visitar los cementerios y poner una vela en casa. ¿Vos suena esto último?

¿Cómo se celebra esta fecha nel restu del mundu? La celebración de Samhain ye asemeyada nos países de raigañu celta, anque Éire quiciabes ye’l país nel que meyor se conserva la tradición. Ellí faense grandes fogueres p’alloñar a los malos espíritus y la xente vive con muncha intensidá esti cambiu de ciclu. Dientro del Estáu, Galicia ye’l territoriu onde más fuercia caltién esta celebración. México, col Día de los Muertos, tamién tien espaciu nesta fecha, anque nesti casu, la tradición ye d’orixe mesoamericanu y non celta, y hasta la llegada de los conquistadores tenía llugar a primeros d’agostu, coincidiendo col novenu mes del calendariu solar mexica.

¿Cómo puedo celebrala yo? Afuraca cola ayuda de la to familia una calabaza pa meter dientro una vela y déxala fuera de casa con dalgo de comida y agua. De xuru que los tos seres queríos que yá nun tan con nós van agradecételo.

Sigue leyendo «Llega la Nueche d’Ánimes» →

Publicado en Música

L’ alendar de les piedres

Publicado el por Isa Lobo ツ

Isabel Marco – L’ alendar de les piedres (asturianu)

La primera vez que canto en asturiano y lo hago el Día de Asturias (Día d´Asturies), el 8 de septiembre de 2020. Una versión en asturiano de mi canción «El respirar de las piedras». Espero que os guste.

Sigue leyendo «L’ alendar de les piedres» →

Publicado en TIEMPU

Estáu del tiempu: Domingu 25 d´ochobre

Publicado el por Isa Lobo ツ


El tiempu n´Asturies

Bonos díes, bona xente.
Alborecemos col cielu nuboso y delles precipitaciones, con unes temperatures que tan alrodiu de los 12ºC, rexistrándose nel puirtu Payares 7,2ºC. La parte más activa del frente ya nos cruzo , dexando al so pasu más de 25 l/m2 en munches zones d’Asturies.
Güei una vegada col pasu’l frente fríu, vamos tener intervalos nubosos que puen dexar xarabatos dispersos a lu llargu’l día que sedrán más abondosos ya frecuentes pela mañana, sobre too pela costa. Les temperatures descenderán, más bultablemente pela tarde, dándose les mínimes al finar el día. La cota de nieve anicialmente tará mui alta pero dirá baxando col trascursu les hores hasta quedar, al atapecer, sobre los 1300m, pero yá sin malpenes precipitaciones. L’aire seguira soplando con fuercia nes zones altes de montaña ya en puntos del llitoral.
Mañana llunes alboreceremos con grandes claros ya ente’l borrín y la nublina no fonderu los valles, a partir del mediudía dirá aumentando la nubosidá ,pa quedar el cielu nuble pela tarde cuando pue daxe dalgún xarabatu feble ya dispersu que sedrá de nieve perriba de los 1600m. L’aire seguirá soplando gallegu con raches fuertes en zones altes ya en puntos del llitoral con unes temperatures que descenderán les mínimes ya se caltendrán les másimes.
Los prósimos díes seguiremos con airón pero sedrá gallegu-baxu que calecerá l’ambiente ya solu dexará lluvies d’importancia na fastera más surocidental d’Asturies, pa a partir del xueves escamplar del too, perder fuelle l’aire ya subir les temperatures que mos dexarán un ambiente mui sele ya inclusu calurosu.
Publicado en Día de...

Día de les Biblioteques

Publicado el por Isa Lobo ツ

Web

La Dirección Xeneral del Llibru y Fomentu de la Llectura, al traviés de la Subdireición Xeneral de Coordinación Bibliotecaria, impulsa la celebración del Día de les Biblioteques, esti 24 d’ochobre de 2020.

  El hashtag qu´usaremos:
#DíaDeLasBibliotecas
#SiempreAtuLado

 

Dende l’añu 2019 incorpórase’l lema ‘Aptes para tolos públicos‘, que va tar presente en toes actividaes que se pongan en marcha. Amás, la celebración del Día de les Biblioteques va tener dende esti momentu un filo conductor distintu cada añu. ‘Biblioteques, siempres al to llau‘

La edición d’anguaño, sol lema ‘Biblioteques, siempres al to llau‘ cénntrase en destacar l’importante papel que xueguen les biblioteques ufiertando accesu a la cultura, a la conocencia y al entretenimientu en cualquier llugar y circunstancia. Asturias, Enllaz externo, (descargar)

Sigue leyendo «Día de les Biblioteques» →

Publicado en Día de..., Llibros Reciella

Centenariu de la nacencia de Gianni Rodari

Publicado el por Isa Lobo ツ

GIANNI RODARI (23 d’ochobre de 1920 – 14 d’abril de 1980, Italia)

Autor indispensable na lliteratura infantil del sieglu XX.  Maestru, escritor, escomulgáu por “exseminarista convertíu en diabólicu”, militante, periodista, censuráu, un imaxinador. Toles cares d’un ceador de mundos para la niñez, que criticó duramente la escuela tradicional” desenvolviendo una perspectiva dafechu renovadora tocantes a lo pedagóxico y lliterario. Ver artículu completo.

Gianni Rodari dedicó la mayor parte de la so obra a los neños a los que, en plena guerra fría y tres la durez de la Segunda Guerra Mundial, encamentó a respetar y a abogar por una educación rica n’humanidá y fantasía. Refaer l’imaxinariu infantil y xuvenil yera una prioridá para tola comunidá educativa”, señala Xavier Sarrià.

¿Val la pena qu’un neñu aprienda llorando lo que puede aprender riendo?”

«Tola obra de Gianni Rodari respuende a la so convencimiento nel poder lliberador de la fantasía y la diversión como vehículu de formación didáctica»

«Si queremos construyir otru mundu y otra sociedá dafechu distinta, sería muncho más útil qu’empezáramos a lleer cuentos, a imaxinar mundos improbables y a xugar coles palabres»

“L’usu total de la palabra ye una demostración de bellu soníu democráticu. Non por que toos sían artistes, si non por que naide sía esclavu”

“Creo que los cuentos de faes, los vieyos y los nuevos, pueden ayudar a educar la mente. El cuentu de faes ye’l llugar de toles hipótesis”.

Toles frases de Rodari son formoses ya inspiradores. La so obra en xunto ye un homenaxe a la infancia. Non solo a esa infancia d’edá, sinón al neñu interior que nos habita a toos. Les sos palabres resulten bien refrescantes para un mundu que munches vegaes amuésase pocu sensible a les verdaderes prioridaes del ser humanu.

Sigue leyendo «Centenariu de la nacencia de Gianni Rodari» →

Publicado en NATURA, TIEMPU

Una lluna llena azul va allumar el cielu mientres la nueche de Samaín (Halloween)

Publicado el por Isa Lobo ツ

El 31 d’ochobre va celebrase, como cada añu, la nueche de Halloween. Ye una xornada que, dende fai yá unos cuantos años, ta cada vez más estendida per Europa. El nuesu país nun ye una esceición. Va Ser una nueche entá más especial que n’otres ocasiones: va tener llugar la segunda lluna llena n’un mesmu mes: una lluna azul. La lluna llena nun ye habitual en Halloween

Irónicamente, la imaxe de la lluna llena nel cielu, mientres una nueche de Halloween, ye una imaxe bien popular n’ensame de medios. Tantu en series y películes, como en videoxuegos, cómics… Sicasí, ye pocu frecuente que la lluna tea en fase de lluna llena nesa xornada. La lluna tardienta 29,5 díes en completar el so ciclu de fases. Asina que, aprosimao, cada 30 díes tenemos una lluna llena. Esto provoca que la única posibilidá de tener una lluna llena en Halloween prodúzase cuando tamién tenemos una lluna azul.

Sigue leyendo «Una lluna llena azul va allumar el cielu mientres la nueche de Samaín (Halloween)» →

Publicado en TIEMPU

Estáu del tiempu: Xueves 22 d´ochobre

Publicado el por Isa Lobo ツ

ESTÁU DEL TIEMPU Y PREDICIÓN según El tiempu n´Asturies

Bonos díes, bona xente.
Alborecemos col cielu cubiertu pol borrín y la nublina con unes temperatures que tan alrodiu de los 11ºC, rexistrándose nel puirtu Payares 5,9ºC.
Güei tendremos un día mui asemeyáu al d’ayeri, con intervalos nubosos entemecidos ente dellos claros pela mañana, con nubosidá de desendolque a partir del mediudía que mos pue dexar dalgún xarabatu dispersu pela tarde, más probables nel interior d’Asturies, con unes temperatures que camudarán poco ya col aire ábrigu sele en xeneral.
Mañana vienres la entrada de vientu gallegu va facer que resfresquen les temperatures, nel cielu seguiremos con nubes ya claros, sicasí con menor nubosidá que güei y de menor desendolque polo que los xarabatos de pela tarde sedrán ocalionales, febles ya dispersos.
El sábadu sedrá’l meyor día de la selmana, col cielu escampláu y temperatures n’ascensu, anque al atapecer vamos tener un aumentu de la nubosidá media-alta, amás al finar el día entamará a soplar con fuercia l’aire nes zones altes de montaña.
Nel alborecer del domingu va cruzanos un frente fríu empobináu por una vaguada atlántica, al so pasu va dexanos precipitaciones abondoses ya un descensu nes temperatures, amás l’aire gallegu va soplar con mucha fuercia nes zones altes ya en puntos del llitoral. A partir del mediudía dirá llimpiándose’l cielu pa quedar con intervalos nubosos entemecios ente dellos claros, cola posibilidá de que caiga dalguna gotera o xarabatín feble ya dispersu, más probables nel llitoral. La nieve anicialmente tará nes cumes más altes de la cordelera, baxando nel trascursu’l día hasta los 1300m pero ya sin malpenes precipitaciones.
Durante’l riscar y la mañana del llunes l’aire gallegu tenderá a rolar al calambrión, faciendo que entren los xarabatos del mar tierra a dientru, con nevaes pela cordelera perriba de los 1200m, subiendo durante’l día hasta finar perriba de los 1600m, pero esto ya lu diremos viendo.
Publicado en Cómic, Llibros Reciella

Cómic ‘El mure de biblioteca’, la manga que tresmite a los neños la pasión polos llibros

Publicado el por Isa Lobo ツ

Testu de JESÚS JIMÉNEZ (@vinetabocadillo) JESÚS JIMÉNEZ (@vinetabocadillo)
Ver artículu orixinal

¿Imaxináis un mundu ensin llibros nin cómics? ¿Ensin nada que lleer? Ese ye l’universu nel que se desenvuelve El mure de biblioteca, unu de les mangues de mayor ésitu anguaño en Xapón, onde consiguió’l premiu a la meyor hestoria de manga dos años consecutivos y vendió más de dos millones d’exemplares. Tamién s’afixo a una esitosa serie d’anime (animación). Agora llega a España de la mano de la editorial Kitsune Books, qu’inaugura con esti títulu la so colección de manga, qu’inclúi tamién otru interesante títulu xuvenil: Orphen el bruxu, una hestoria fantástica de Yoshinobu Akita y Yagami Yu.

El mure de biblioteca ta protagonizáu por una moza universitaria, Urano Motosu, qu’adora la llectura y que un día muerre entartallada por un montón de llibros. Pero va espertar nun nuevu universu fantásticu nel que casi nun hai nengún llibru. Y los pocos qu’atopa son artículos de luxu que solo pueden dexase los más ricos. !Y enriba ta atrapada nel cuerpu d’una enfermiza neña de cinco años!

Un manga destináu a los mozos que nos tresmite la pasión pola llectura y l’amor polos llibros d’una forma natural y risondera y que ye más eficaz que cualquier campaña por que los chavales decidan lleer voluntariamente, por prestar y diversión. Anque a los adultos tamién vos conquistará polos sos maraviyosos personaxes y el so sentíu del humor. Y amás vais aprender un montón de coses sobro los llibros y sobro la vida.

Sigue leyendo «Cómic ‘El mure de biblioteca’, la manga que tresmite a los neños la pasión polos llibros» →

Publicado en Cultura

Conseyu Asesor de Política Llingüística

Publicado el por Isa Lobo ツ

Cultura incluye nel Conseyu Asesor de Política Llingüística a 25 persones de diversos ámbitos de la sociedá asturiana
Noticia de La Voz de Asturias

La Conseyería de Cultura, Política Llingüística y Turismu va abrir el Conseyu Asesor de Política Llingüística a 25 persones de reconocíu prestíu procedentes de diversos ámbitos de la sociedá asturiana. Nel organismu, presidíu pola conseyera Berta Piñán, van tar presentes tamién los responsables, o les persones nes que deleguen, de la Universidá d’Uviéu, l’Academia de la Llingua Asturiana (ALLA), el Real Institutu d’Estudios Asturianos (Ridea) y Radio Televisión del Principáu d’Asturies (RTPA).

El director xeneral de Política Llingüística, Antón García, va ocupar la vicepresidencia del organismu, nel que va actuar como secretaria la xefa del Serviciu de Normalización  de la conseyería, Irene Arce. El Conseyu Asesor, que va celebrar la xunta constituyente’l próximu xueves día 22, tien como oxetu fundamental asesorar al Gobiernu d’Asturies na toma de les decisiones que faigan referencia a los asuntos rellacionaos cola política llingüística de les llingües propies existentes na comunidá autónoma. 

Para decidir los nomamientos de los miembros de llibre designación, la conseyería atendió a los criterios de prestíu personal, de paridá y de representación nel organismu de la llingua asturiana y el gallego-asturianu, cola fin de que’l Conseyu Asesor seya plural, representativu y equilibráu. Cultura designó miembros del nuevu organismu asesor a les siguientes persones: 

-Del ámbitu xurídicu: Leopoldo Tolivar y José Manuel Pérez.

-Del ámbitu de la filoloxía asturiana: Xulio Viejo y Taresa F. Lorences.

-En representación de los colectivos de defensa de la Llingua: Iris Díaz Trancho, Iván Llera, Xosé Candel y Xaviel González.

-Del ámbitu de la normalización lingüística: Fernando Padilla, María Xosé Rodríguez y Penélope Miranda.

-Del ámbitu lliterario: Xuan Bello, Belén Rico, Víctor Suárez, Marta Mori, Consuelo Vega, Mariluz Pontón ya Inaciu Iglesias.

-Del ámbitu periodísticu: Pilar Rubiera y Cristóbal Ruitiña.

-Del ámbitu cultural: Marga Llano, Pablo Casanueva, María Cotiello, Anabel Santiago y Laura Iglesia.

 

Publicado en TIEMPU

DOMINGU 18 D’OCHOBRE DEL 2020

Publicado el por Isa Lobo ツ


El tiempu n´Asturies

Bonos díes, bona xente. YE TIEMPU DE CASTAÑES YA SIDRE DEL DUERNU. Bienveníos al Tiempu n’Asturies collacies ya collacios, n’esta páxina vos convidamos a conocer xuntos, la maxia de la meteoroloxía n’Asturies, onde’l borrín y la nublina difuminen un horizonte siempre inciertu ya interesante.

Alborecemos col cielu empuercáu de nubosidá alta con unes temperatures que tan alrodiu de los 9ºC, rexistrándose nel puirtu Payares 7,5ºC.

Güei otru día seliquino que vamos tener, con nubes altes entemecides ente dellos claros, peronde van colase los rayinos de sol , caleciendo abondo l’ambiente al mediudía, con unes temperatures másimes que van superar los 20ºC na mayor parte d’Asturies, amás l’aire seguirá siendo feble ya variable con predominiu de la componente sur.

Mañana llunes va a entamar a entranos aire ábrigu, coyendo fuelle a lu llargu’l día con raches mui fuertes en zones altes de la cordelera durante la tarde. Esti aire va empobinanos nubosidá media-alta que sedrá más abondosa nel surocidente asturianu ya cordelera, onde tendrán precipitaciones, nel resto quedaremos al abellugu del «muru» dexándonos la nubosidá más rota y faciendo l’efeutu foenh al pasu per ésti, con unes temperatures másimes que superarán ampliamente los 20ºC.

El martes les baxes presiones nel noroeste facilitarán el pasu d’un potente frente altlánticu que regará abondosamente la península d’oeste a este, siendo les precipitaciones más abondoses en Castiella ya’n cara sur de la cordelera, asina y too n’Asturies esta vegada tamién tendremos lluvies abondoses durante tol martes, con un descensu de les temperatures másimes pero con un ascensu de les mínimes que van dexanos un ambiente suave pero húmedu. L’aire perdera fuelle quedando sele ya variable con dalguna racha moderada en zones altes de montaña.

 

Sigue leyendo «DOMINGU 18 D’OCHOBRE DEL 2020» →

Publicado en Fiestes

La vendimia de Cangas sigue recuperándose y llogra la meyor collecha en cuatro años

Publicado el por Isa Lobo ツ

Los bodegueros de la Denominación d’Orixe recueyen 115.000 quilos d’uva de bona calidá, magar los hongos y los ataques de la fauna.

El balance de la vendimia dexó prestu nes bodegues de la Denominación d’Orixe Protexida (*DOP) vieno de Cangas, que recoyeron 115.000 quilos d’uva. Una cifra que supon la meyor collecha en cuatro años, doblar la llograda en 2018 y amontar la producción más d’un 30 per cientu con respectu al añu pasáu. Cumplióse, amás, l’oxetivu que se marcaren los miembros del sellu protexíu, que yera superar los 100.000 quilos d’uva.

La vendimia d’anguaño foi más temprana de lo que vien siendo habitual, adelantrándose unos 20 díes en comparanza con campañes anteriores. Como siempres, la recoyida empecipió n´Ibias, la segunda selmana de setiembre, pero a los pocos díes yá daba empiezu tamién en Cangas. Esti adelantu de la vendimia foi favorecíu pel branu secu que se vivió.

Sigue leyendo «La vendimia de Cangas sigue recuperándose y llogra la meyor collecha en cuatro años» →

Publicado en Sin categoría

Pinín, el Tintín asturianu que percorrió’l mundu n’una madreña voladora

Publicado el por Isa Lobo ツ

Cúmplense 110 años de la nacencia d’Alfonso Iglesias, ceador de Pinín, unu de los personaxes más importantes de la cultura asturiana contemporanea. Ye un guah.e espigáu y roxu que percuerre’l mundu viviendo múltiples aventures con boína y madreñes. Llámase Pinín y ye unu de los personaxes de ficción más importantes de la cultura asturiana, anque los neños d’agora yá nun llean les sos hestories. La so figura, como la de los sos tíos Pinón y Telva, ta representada en murales, figures ya inclusive n’una escultura qu’encarna’l so vehículu habitual, el madreñogiro, instalada nel aeropuertu d’Asturies. El so ceador foi Alfonso Iglesias, quien anguaño celebraría’l so 110 cumpleaños. Si nun finara en 1988, la so fiesta de cumpleaños sería multitudinaria.

Sigue leyendo «Pinín, el Tintín asturianu que percorrió’l mundu n’una madreña voladora» →