Nel “Pieces diariu” de güei: Pablo Fraile Dorado presenta’l llibru ilustráu “La llingua de les xanes”. Vídeu
Programa Pieces: Dempués de TPA Noticies. Primer edición.
Sigue leyendo «Pablo Fraile presenta “La llingua de les xanes”»
Mes: diciembre 2020
Pablo Fraile presenta “La llingua de les xanes”
Vienres 1 “País de pandereta” a les 22.30 na TPA
Vémonos el díi 1 a partir de les 22.30 – 23.30 na @rtpa_oficial País de pandereta. @rodrigocuevasg
Esti vienres: “País de pandereta” a les 22.30 na TPA
‘País de pandereta’ ye una gala presentada por Rodrigo Cuevas cola participación de L-R, Ramsés y Ambás, Galgo, Ugía Pedreira, Fee Reega, Buen Suceso, Braco Húngaro, Marisa Valle Roso, Mapi Quintana, Tarik Rahim, Jerónimo Granda y Elle Belga. El viernes, a las 22:30, en #TPA
Sigue leyendo «Vienres 1 “País de pandereta” a les 22.30 na TPA»
Barbón felicita l’añu primero n’asturianu
El presidente espublizó una tarxeta en redes sociales na que se ve Llastres y el Sueve.
Adrián Barbón ta acabante de felicitar l’añu nuevu, al igual que fixo l’añu pasáu, n’asturianu. La novedá ye que la primer llingua escoyida nesta ocasión pa facelo ye l’asturiana.
Oficiu tradicional: os cesteiros
Güei vamos rindir tributu a un oficiu ancestral y en peligru d’estinción: los cesteiros o goxeiros.
Diz el refrán que “el que fae un cestu, fae un cientu”. Podríamos deducir que ye bona xera, pero sigue matiznado….“con madera y tiempu”. Si, la madera, nuevamente la madera. Amás de les habilidaes relatives a la técnica del texíu, ríquense conocencies sobro’l tipu de madera, el diámetru del tueru, saber cuando cortar la madera, como tratala y finalmente como trabayala.
Diz el refrán que “el que fae un cestu, fae un cientu”. Podríamos deducir que ye bona xera, pero sigue matiznado….“con madera y tiempu”. Si, la madera, nuevamente la madera. Amás de les habilidaes relatives a la técnica del texíu, ríquense conocencies sobro’l tipu de madera, el diámetru del tueru, saber cuando cortar la madera, como tratala y finalmente como trabayala.
Tou ello forma parte de la sabiduría ancestral que tresmitieron de xeneración en xeneración los cesteiros y garantiza l’ésitu na xera de «faer un cestu». Sigue leyendo «Oficiu tradicional: os cesteiros»
Felicitación TPA
Asina se ve la última lluna llena del 2020, la Lluna de Xelu.
Tom Lee/ Flickr
Lluna llena d´avientu 2020: prepárate pa la lluna llena xelada
La lluna llena d’avientu prepárase para cerrar el ciclu con una enerxía especial y equí vas saber cuándo, cómo y ónde vela. El fin del añu 2020 va xunir a la última lluna llena d’avientu y l’enerxía para cerrar esti ciclu va tar en tou la so rellumanza. Como cada mes, la lluna llena revelase nel horizonte con un rellumu únicu. Esti avientu la lluna xelada nun se va faer esperar y tenemos tolos detalles por que lu repares y aproveches el so pasu antes de fin d’añu.
Sigue leyendo «Asina se ve la última lluna llena del 2020, la Lluna de Xelu.»
L´aguilandu, tradición del iviernu asturianu
L’aguilandu, una tradición del iviernu asturianu
A lo llargo de los años, nos pueblos siempres hebo munches costumes coles que celebrar el final d’un añu y l’entamu del siguiente. Los díes diben faciéndose cada vegada más llargos y la torna al trabayu de campu diba venir bien llueu, lo que nes zones rurales foi siempres motivu de celebración. N’Asturies, nestes feches d’iviernu siempres foi mui celebráu l’aguilandu. Siguiendo esta costume, los mozos y les moces van pidiendo perres o comida a los vecinos tres facer dalguna pequeña actuación o dalgún cantar. Pa esto, en munches zones yera importante dir mazcaráu, hasta’l puntu qu’en zones como Tameza l’acción de dir pidiendo l’aguilandu conozse como “mazcaráu”.
Sigue leyendo «L´aguilandu, tradición del iviernu asturianu»
L’únicu ferreiru de Quirós
Marco Viejo bebió del saber de grandes ferreiros. Ver noticia RTPA y videu
Marco Viejo, a los sos 41 años, ye l’únicu ferreiru del conceyu de Quirós. Un oficiu al que naide se dedicaba de manera profesional dende va munchos años, y qu’él recuperó.
Ufierta servicios de forxa artística, ferrería clásica y cuchiellería artesanal y encargos mui especializaos de cuchiellos o hachos.
BOPA: espublización del decretu toponímicu de Cabrales
Asiegu, Arenas, San Roque, Po y Santolaya yá son los únicos topónimos oficiales
Cola espublización nel BOPA del decretu toponímicu de Cabrales, los nomes de llugar tradicionales d’esti conceyu yá son los únicos oficiales, derogando los castellanizaos. Asina, Asiegu, Arenas, San Roque, Po y Santolaya son les formes válides, sustituyendo a ‘Asiego’, ‘Las Arenas’, ‘Prado’, ‘Poo’ y ‘Puertas’, de manera respeutiva.
Cabrales ye’l conceyu númberu 67 en dar esti pasu, quedando namái 11 por completar el procesu. Los pendientes son Llanera, Castropol, Somiedu, Cuideiru, Ayande, Caravia, Ibias, El Valle Baḥu de Peñamellera, Salas, Navia y Pravia, en fases diferentes del mesmu.
Sigue leyendo «BOPA: espublización del decretu toponímicu de Cabrales»
Les Mazcaraes n´Asturies
La Biblia en llingua asturiana ya ta na imprenta
La edición promovida pola Sociedad Bíblica asoléyase el prósimu mes de xineru, con una introducción del arzobiespu Sanz Montes
La Biblia, el llibru más traducíu de la historia, pilar de la cultura occidental y testu sagráu de millones de creyentes de tol mundu, tien a puntu de ver la so versión en llingua asturiana, un trabayu inxente promovíu pola Sociedad Bíblica de España y escomenzáu va más de tres décades, qu’agora mesmo tá imprimiéndose… Sigue leyendo «La Biblia en llingua asturiana ya ta na imprenta»
La XDLA denuncia un incumplimientu más de la toponimia oficial
Güei presentamos l‘INFORME SOBRE L’INCUMPLIMIENTU DE LA TOPONIMIA OFICIAL NA REDE DE FERROCARRIL D’ASTURIES.
Nél analizamos tolos nomes de toles estaciones de tren d’Asturies comparando’l so nome oficial col que se ta usando anguaño.
ADIF, RENFE y CTA tovía nun actualizaron topónimos que lleven, dalgunos, más de 15 años cola forma tradicional aprobada nel BOPA. Con esti informe queremos que se ponga puntu final a una situación inaceptable que nun pue allargase más nel tiempu.
Arte: los llímites de les nueves tendencies
L´Artista Italiano Federico Clapis, con su Obra Cypto Connection, ubicada nel Southbank de Londres, invítanos a reflexonar sobro los llímites de les nueves tendencies.
- Web
- [bronze, 140x270x140 cm] Info: curator@federicoclapis.com
- ‘Youtuber’ se convierte en un exitoso escultor contemporáneo
Bufones Pría (Llanes)
Bufones de Pría Llanes
- Fonte: Asturias Patria Querida @asturiastour Agencia de viajes
- Web Turismo Asturias
Cascosu paséase con una flor como paraguas baxo la lluvia d´Ucrania
Cascosu paséase con una flor como paraguas baxo la lluvia d´Ucrania
¿Cuántes coses sabes sobre Margarita Salas?
web¿Cuántes coses sabes sobre Margarita Salas?
¿Atréveste a xugar a esti Kahoot sobre la nuestra bioquímica más internacional?
Si quies deprender más sobre ella, nun escaezas que la esposición
‘Margarita Salas. Una muyer con ciencia’ puede vese na Sala 3 del CCAI hasta’l 31 de xineru.
‘Margarita Salas. Una muyer con ciencia’ puede vese na Sala 3 del CCAI hasta’l 31 de xineru.
Dolfo Camilo Díaz faise col Premiu de la Crítica d’Asturies de columnismu n’asturianu
L’Asociación d’Escritores d’Asturies. anunció yá los ganadores del Premiu de la Crítica d’Asturies de columnismu.
Efectuaes les votaciones correspondientes, el xurá concedió’l Premiu de la Crítica al Columnismo Periodísticu n’asturianu, a Dolfo Camilo Díaz, hestoriador, dramaturgu, escritor y Academicu de la Llingua Asturiana, al considerar y valorar la estraordinaria contribución aportada nos distintos campos de la cultura asturiana: Teatru, música, artículos nos distintos diarios del país, y d’epublicar ventisiete obres n’asturianu traducíes a dellos idiomes.
Páxina: «Coses curioses»
Fonte: Cosas Curiosas
Esfruta de los soníos de la natura n´Alaska
«Asturies Patria Quería»
Nomes y apellíos n’asturianu
Hasta hai unos años yera obligatorio pa toles persones d’España que’l so nome y los sos apellíos s’inscribieren oficialmente na so forma castellana. Les formes correspondientes en catalán, en gallegu o n’asturianu emplegábense a diario na fala. En casa podíes ser Taresa, Antón, Xuacu o Xuana, pero nos documentos oficiales siempre ponía Teresa, Antonio, Joaquín o Juana. Lo mesmo pasaba colos apellíos, que se castellanizaben nos rexistros, pasando de Xardón a Jardon, de Mexíu a Megido o de Fidalgo a Hidalgo. Al nun poder constar nos documentos, eses formes diben, poco a poco, perdiéndose.
Agora, la llei reconoz la diversidá llingüística d’España y permite que los nomes y apellíos de la xente recueyan esa riqueza cultural. N’Asturies tamos a tiempu de recuperar los nuesos nomes y apellíos tradicionales y, con ellos, la memoria de los homes y muyeres que poblaron esta tierra nes xeneraciones pasaes.
Aniversariu d´Andrés Solar (escritor)
Andrés Manuel Solar Santurio (1955–1984) foi un escritor en llingua asturiana. Ta consideráu un de los meyores escritores del Surdimientu pesie a la so pronta muerte a los 29 años (27 d’avientu de 1984 ) nun acidente tráficu en Sotrondio.
«Petit Pop» cumple 10 años
“Petit Pop” pega l’estirón: el conocíu grupu musical para neños cumple diez años
La banda de música infantil celebra güei na Llaboral la so década de vida: “Naide pensaba que llegaríamos hasta equí”
El grupu de música “Petit Pop” celebró ayeri’l so décimu aniversariu con un conciertu nel Teatru de la Llaboral. Magar la restricción d’aforos, los incondicionales de la formación nun quixeron perdese la cita. El grupu, integráu pola componente de Pauline na Playa, Mar Álvarez, Pedro Vigil, Cova de Silva y Lara González, ufiertó una repasada polo meyor del so repertoriu, coriáu con ganes polos sos pequeños (y non tan pequenos) fans. A la derecha, un momentu del conciertu.
La so propuesta, sustanciada en dellos álbumes, tien el gabitu suficientepara atraer a un ampliu públicu familiar nel que caben dende los más pequenos hasta los güelos.
El desgüeve del salmón nos calces asturianos
Un procesu que llama l’atención pola so singularidá
Dende va dellos díes, los salmones empecipiaron el desgüeve. Un procesu que llama l’atención pola so singularidá. Nel conceyu de Salas, ta unu de los pozos onde pue vese la puesta y fecundación de les güeves del salmón.
Los salmones yá remontaron el ríu. Volvieron pal desgüeve. Los machos fueron los primero en llegar. Tres ellos, les femes, que van escoyer a aquellos que tengan los meyores territorios.
Sigue leyendo «El desgüeve del salmón nos calces asturianos»
D’Una Misguina’l to Xeitu (Beleño)
D’Una Misguina’l to Xeitu · Beleño
Ofiusa
℗ 1987 Ye Records / Musicasturiana.com
La cara de dellos insectos y arácnidos
La cara de dellos insectos y arácnidos vistu de cerquitas.
Calca na 
de Facebook pa ver les semeyes…
El Muséu de la Escuela Rural resiste l’impactu del coronavirus na cultura
Noticia TPA: El Museo de la Escuela Rural ha resistido el impacto del coronavirus en la cultura.
Inxerta una sala d’esposiciones cola amuesa del pintor local José Canellada
El Muséu de la Escuela Rural resistió l’impactu del coronavirus na cultura. El balance de 2020 ye bonu. Nun hubo escursiones de colexos, nin grupos, pero l’afluencia caltiénse.
El muséu inxertó una sala d’esposiciones, cola amuesa del pintor local José Canellada, y una pequeña selección de xuguetes antiguos.
Tamién va munchu profesional de la educación, que pue ver la vivienda del maestru del pueblu.
El muséu suel sorprender pa bien, al ser tan completu. Percuerre dende la dómina d’Alfonso XIII, pasando pela Segunda República y la dictadura de Franco.
Un asturianu diseña un punteru electrónicu para tocar la gaita ensin fadiar a los vecinos
L’inventu ye únicu nel mundu y cuenta col so propiu amplificador incorporáu y soníu sintetizáu.
Fonte: La Voz de Asturias Y.R.
Unu d’esos aficionaos, Carlos Rodríguez Pumarada, asturianu de nacencia y bercianu d’adopción, aprovechó los duros meses del confinamientu para diseñar, programar y fabricar un punteru electrónicu “únicu nel mundu”, que dexa a los gaiteros practicar na so casa ensin fadiar a los vecinos.
La gaita ye ensin dulda l’iconu de la música tradicional del Principáu. Siempres pon la banda sonora a cualquier fiesta y ye una de les señes d’identidá de la rexón. Pero, para poder esfrutar d’esti soníu que pon la piel de pita a cualquier persona, ríquense munches hores d’ensayu. Para ello, l’asturianu Carlos Rodríguez, afincáu n’El Bierzo, diseñó, programáu y fabricáu un punteru electrónicu que dexa a los gaiteros practicar na so casa ensin fadiar a los vecinos.
Poema: «Cuestión de llingua 2.0»
Autora: Claudia Elena Menéndez Fernández
Baxo’l claru sol d’iviernu
véote con pena como tolos díes
esclucando dende cualquier requexu;
vas per ehí tatexando pallabres d’ausiliu
como un pexe que da les últimes boquiaes…
Poca xente amira por ti,
fai tiempu que lleves la soga al pescuezu,
maltrátente como a nenguna
y espétente’l cuchiellu de la indiferencia.
Amoriando pente les cais,
siéntesete falar dacuando
con voz afogadino y baxo,
pero cada día que pasa
ye una pala más de tierra
enriba’l to cuerpu de furacos.
Acolúmbrente con mecigaya
de vergoña y compasión
y dalgunos quixeren vete muerta…
Pero yo llévote conmigo au quieras
llévote a ver el mundu,
que te sientan falar con arguyu
que pa mi tas más viva que nunca.
Poema: «La mio verdá»
«La mio verdá», de Naomi Suárez González
Contáronmelo pa que lo contara,
contara la mio verdá,
verdá d’una tierra amada,
amada por siempre xamás.
Xamás podré olvidate,
olvidate enxamás,
enxamás podré falar otra llingua,
llingua d’otra tierra o mar.
Mar d’orbayu negro,
negro de tanto llorar,
llorar por esta tierra,
tierra por tantos soñá.
Soñá polos que tán lloñe,
lloñe nunca se ta,
ta metida nel pechu,
pechu d’asturianos de verdá,
verdá como la que sienten,
sienten que nun la puen olvidar.
Olvidar ye mui difícil,
difícil tamién ye amar,
amar como cuando s’ama,
cuando s’ama como a una ma.
El Ramu Nadal
El Ramu de Nadal recupera puxu n’Asturies
Los adornos navidiegos son esa costume tan prestosa cola qu’entamamos a da-y pasu al Nadal. Axuntámonos cola nuesa familia, amigos o compañeros de pisu y preparamos les lluces, l’árbol, el nacimientu… Pero si hai un que presta que tea ganando bien de protagonismu nos últimos años esi ye’l Ramu Nadal.
Avientu torna con nuevu tema!
Avientu, ye un grupo de música rock-folk en llingua asturiana, procedente del conceyu asturianu de Riosa. El nome n´asturianu del grupu tiene como principal acepción «diciembre».
Un adorable ñácaru elefante xira la so trompa como un helicópteru
Esti comportamientu, raru n’apariencia, podría ser la versión paquiderma de sentise «incómodu».
Tol mundu tien comportamientos inconscientes al sentise incómodu o inseguru. Delles persones bocexen, otres tásquense la cabeza o se tapen la cara. Dalgunes faen tou coles mesmes en momentos bien incómodos. Y resulta que los ñácaros elefantes tamién podríen tener comportamientos qu’indiquen inseguridá.
Nun vídeu grabado recientementenel parque nacional de los Elefantes d´Addo, na provincia sudafricana de Cabu Oriental, una nueva cría d’elefante apaez dando vueltes cola trompa no que podría describise como un movimientu d’helicópteru».
Sigue leyendo «Un adorable ñácaru elefante xira la so trompa como un helicópteru»
«Galbana», d’Alba Llaneza Pulido
- Ver en Formientu Dixital
- Formientu en Twitter. En Facebook
-
Alba Llaneza Pulido (escritora). Post
Una idega que cuerre.
Un suañu que ñaz.
Tráime vientos d’aventura
d’otres xentes
d’otres tierres.
Promeses de nueches surrealistes
asemeyaes a aquelles que colaren.
Tráime l’arume
d’una tormenta de branu,
de la yerba recien cortao,
de la fueya quemao.
De la mar.
Tráime les ganes de rir,
de sentir, de prebar,
d’esnalar, de vivir.
Y entós…
en silenciu,
no más escuro del salón
y ensin mover un músculu.
Mato les ganes.
Mato la idega.
Mato’l suañu.
La XDLA entama una campaña pa reclamar a TPA dibuxos animaos n’asturianu.
‘Los Picapiedra’ falaron gallegu, catalán y vascu, pero la TPA nun-yos dexa falar n’asturianu.
Queremos ver a Astérix falando n’asturianu en TPA!
Los personaxes más conocíos de l’animación mundial van pidir a la dirección de la radiotelevisión pública, al Gobiernu autonómicu y a Adrián Barbón poder falar nel nuestru idioma
La Xunta pola Defensa de la Llingua Asturiana (XDLA) entama estes navidaes la campaña ‘¡Queremos que nos dexen falar n’asturianu!’ pa esixir la puesta en marcha en TPA d’una programación infantil nel nuestru idioma. Esta iniciativa va espardese al traviés de redes sociales con imáxenes de los personaxes más conocíos de la historia de l’animación mundial que van reclamar a la dirección de TPA y al mesmu Gobiernu que-yos dexe falar n’asturianu.
Por un 2021 atarraquitáu de realcuentro
Por un 2021 atarraquitáu de realcuentros 
Felices Fiestes dende Asturies (Con una guiñada n’asturianu)
Felices Fiestes dende Asturies (Con una guiñada n’asturianu)Clasificación de monedes na so conservación
OSPA: Programa d´Iviernu
Les tradiciones de la cocina navidiega n’Europa
Punxi a investigar exhaustivamente les tradiciones de la cocina navidiega más populares d’Europa y esto foi lo qu’atopé.
Ilustráu por Victoria Fernandez
Afortunadamente para munchos de nós la Navidá despierta alegremente alcordances de bayura: esfrutar de la comida hasta que nun podamos movenos. Siempres m’encantó la Navidá, non solo pola comida, sinón tamién pola unión familiar, poles tradiciones, pola gran cantidá d’elementos culturales que rellumen con tou la so rellumanza y tescendieron decenes de xeneraciones. Dende mariscos hasta deliciosos pasteles, nesti artículu preséntote dellos platos típicos de la cocina navidiega europea por que-y deas otru toque de sabor a les festividaes.
Sigue leyendo «Les tradiciones de la cocina navidiega n’Europa»
Un cachu del Eo…
Nos últimos tiempos les ostres convirtiéronse nun platu mui demandáu
Na ría del Eo atopamos unu de los productos más cobiciaos del occidente asturianu, la ostra.
Los ritos que tovía perduran n’Asturies na Navidá
Los ritos que tovía perduran n’Asturies na Navidá son: el ramu col que vos felicitamos estes fiestes, el nataliegu y les mazcaraes. Toos fáense nesti mes d’avientu y parte de xineru y eso tien que ver col cambeu d’añu y del solsticiu. Compartíemos díes atrás un vídeu que falaba precisamente del NATALIEGU. Rellacionáu con esa tradición vamos saber hoy dalgo más. Y vamos saber tamién qué ye eso de LOS LLENDADORES.
Nel capítulu de Navidiegos de güei entrevistamos a Vitu, que va falanos de los principales llendadores y de los más especiales.
Nueves propuestes terminolóxiques de Botánica
- Propuestes (toes)
- Propuestes: terminoloxía de botánica
- Autor: Bertu Ordiales
- Fecha: Avientu 2020
Nueves propuestes terminolóxiques nel TermAst. Bertu Ordiales García presenta Terminoloxía de Botánica.
El COPAE aprueba un logotipu billingüe
El COPAE aprueba un logotipu billingüe, que va poder usase nel etiquetáu de productos
El Conseyu de la Producción Agraria Ecolóxica del Principáu d’Asturies (COPAE), aprobó’l so reglamentu de réxime internu nuevu, qu’inclúi la creación del logotipu de la entidá en llingua asturiana, que va poder usase nel etiquetáu de productos.
La llingua asturiana, en cuartu llugar en @wikidata, la mayor base de datos llibre.
La llingua asturiana posiciónase en cuartu llugar en volume de descripción d’elementos en @wikidata, la mayor base de datos llibre.
Namás inglés, Alemán y Francés van delantre.
L’inglés, el neerlandés, el francés y l’asturianu. Son les cuatro llingües que lideren la tabla de Wikidata, la mayor base de datos llibre, que da soporte a Wikipedia, en volume de descripción d’elementos, perriba d’otres con munchos más falantes como ye’l casu del alemán, el castellanu, l’italianu, el suecu o’l portugués.
Sigue leyendo «La llingua asturiana, en cuartu llugar en @wikidata, la mayor base de datos llibre.»
El maliayo Xurde Menéndez traduz al asturianu un ensayu de López-Otín
Lopez-Otín n´asturianu
La ciencia tamién s’escribe n´asturianu. Y si non que lo pregunten al biólogu maliayo Xurde Menéndez Caravia, que tradució a esta llingua un ensayu del investigador Carlos López- Otín que lleva por títulu “La vida en cuatro lletres”. El llibru, apocayá publicáu por Ediciones Trabe, cuenta con ilustraciones inédites feches por pintores asturianos qu’ayuden a esplicar les temes que se traten nos distintos capítulos como, por casu, como los llinguaxes nos que fala la vida o la llóxica molecular de les enfermedaes. Trátase d’un ensayu de divulgación científica.
L’ayalga de la cueva’l Cuélebre Célebre.
- Fonte: Blogue deLluis de Turiellos
- El Xanu’l Caborniu
- Ver artículu: L’ayalga de la cueva’l Cuélebre Célebre.
A unos diez minutos d’onde vivo atópase la cueva’l Cuélebre Célebre. Según una lleenda del llugar ellí vivía un cuélebre gafu qu’amedranaba a los vecinos hasta qu’un día matárenlu dándo-y pa comer un boroñu preñáu d’anfileres.
Pero yo conocílu y la cosa nun foi asina. El cuélebre enxamás saliere de la so cueva, pues tenía encamentao que naide nun escaciplare nella porque ocultaba una ayalga pervaliosa de los asturianos. Y asina lo fixo hasta qu’un día, yá mui vieyu, decidió retirase a descansar al olimpu de los mitos.
Iviernu, mazcaraes, comedies y aguilandos
- Fonte: Blogue deLluis de Turiellos
- El Xanu’l Caborniu
- Ver artículu: Iviernu, mazcaraes, comedies y aguilandos
Yá ta equí l’iviernu acabante ñacer tresaleciendo en bierzu. La viesca amuesa les cadarmes de bien d’árboles que yá soltaron les fueyes. Otros caltienen enagora delles seques nes rames, como les fayes y los carbayos. Dalgunos, como los carrascos y los texos, van siguir con elles a lo llargo d’esta estación. Un tiempu abegosu pa la supervivencia de les sociedaes primitives porque la tierra nun da, la ñatura entra en reposu y delles tribes animales emigren. Hoi vino a visitame Sidru’l Guirriu y téngolu paciallá blincando d’un llau a otru penriba unos bardiales, pues tien que tar en forma porque entremos nel tiempu onde reinen los de so. Voi capialu pa echar una rocada con él.
Asturies Cultural en Rede
Artes escéniques, música, lliteratura, artes plástiques, cine y cultura tradicional en tol territoriu asturianu
Solsticiu d´iviernu n´España
El solsticiu d’iviernu 2020 va tener llugar el próximu 21 d’avientu y con él, dicimos adiós a la seronda para dar la bienvenida a los meses más fríos del añu hasta’l cambéu a la estación primaveral. Mitos del solsticiu d´iviernu.
Asina vas ver el particular “besu de Navidá” de Xúpiter y Saturno que nun asocede en 800 años
Va ser en díes previos a Navidá que pueda apreciase l’alliniación de Xúpiter y Saturno nel cielu, un eventu astronómicu qu’asocede cada dos décades, pero qu’esta vegada va tener una variante especial.
L’eventu va poder siguise en directu güei llunes, dende les 19.30 hora peninsular española, na canal de YouTube de l’Aula Cultural Cassiopeia, de la Universidá de La Llaguna.
El próximu 21 d’avientu, podrá reparase nel cielu l’alliniación de Xúpiter y Saturno nel cielu, tamién conocida como “besu de Navidá”, un eventu astronómicu que namá asocede cada 20 años.