Publicado en Artículos, Asturies.com

Veiga va contar con un carru de varada nuevu

Na imaxe, Veiga. Semeya propiedá del Conceyo de Navia.

Va sustituyir a la infraestructura actual pa dar un meyor serviciu a la flota pesquera d’anguaño, de mayor tamañu qu’en tiempos pasaos.

El direutor xeneral de Pesca Marítima, Francisco González Rodríguez, presentó ayeri na Casa Conceyu de Navia al alcalde, Ignacio García Palacios, el proyeutu de construcción d’un carru de varada nuevu nel cai de Veiga. La intención del Gobiernu con esta intervención, que tien una inversión de 491.154 euros, ye que’l puertu tenga un espaciu pa la reparación periódica de les embarcaciones «nes máximes condiciones de seguridá», rescampló González Rodríguez.

En Veiga les instalaciones «quedaron obsoletes porque nos años últimos el desarrollu de la flota foi a mayores eslores». El carru de varada nuevu va poder ser utilizáu por barcos d’una eslora máxima de 24 metros y un pesu máximu de 150 tonelaes.

L’actuación cuenta con financiación del Fondu Social Européu Marítimu y de Pesca (FEMP) y ta enmarcáu nel plan de renovación y modernización d’infraestructures pesqueres diseñáu pol Gobiernu pa facer frente a les necesidaes y demandes del sector.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *