imaxe: iStock
Te cuntamos cómo ye’l procesu pol cual el magma del interior de la Tierra erupciona na superficie.
Los volcanes son estructures xeolóxiques al traviés de les cualos el magma del interior de la Tierra xube a la superficie. Suélense aniciar de resultes del movimientu de les plaques tectóniques, anque hai esceiciones, como los volcanes de Hawái, que surden en puntos calientes, esto ye, en zones nes qu’esisten plumes de magma.
Para entender a la perfección l’orixe de los volcanes ye necesariu entender cómo ye’l nuesu planeta. El planeta Tierra estremase en delles capes dende’l núcleu a la superficie. Ente estes capes atopa la corteza terrestre, capa qu’empieza na superficie, llega hasta los 70 km de fondura y ta formada por roques. La corteza nun ye uniforme, sinón que ta sedada per distintes partes, dando llugar a lo que conocemos como plaques tectóniques. Como diximos antes, cuando les plaques tectóniques muévense provoquen erupciones volcániques. Estes erupciones pueden ser bien terrestre o bien submarines.
/
Les plaques tectóniques pueden movese de diverses maneres, aniciando distintos tipos de volcanes, amás de terremotos. Si xuna placa oceánica (con más densidá) pasa per debaxo d’una continental (más fina), va dilise parcialmente por cuenta de les altes temperatures del interior de la Tierra. El magma o material dilío va llegar a la superficie del cráter y erupcionará como lava, gas o elementos sólidos.
A esti tipu de volcanes llámase-yos volcanes de llendes/límites continentales. Los volcanes de dorsales oceániques son aquellos que s’anicien de resultes d’un movimientu de separación de les plaques tectóniques. Al dixebrase, créase xuna abertura pola que va remanecer el magma. A lo último, los volcanes de puntu caliente son los que s’anicien n’árees volcániques formaes por plumes de mantu, esto ye, por material caliente y fundíu que xube procedente del mantu de la Tierra.
Les etapes na formación d’un volcán seríen, a les traces, les siguientes:
– El magma fórmase nel interior de la Tierra, onde esisten xunas temperatures bien elevaes.
– El magma xube a la parte cimera de la corteza terrestre.
– El magma sale al traviés de los resquiebros esistentes na corteza y pol cráter principal en forma d’erupción.
– Los fragmentos sólidos de material volcánico piroclastos) deposítense na superficie de la corteza y van formando’l conu volcánicu principal.
Tipos de volcanes:
/
/
¿Y ónde s’atopen los volcanes? Esisten cinco principales zones volcániques:
– La zona volcánica Circumpacífica. Ye la correspondiente a la Petrina de Fueu del Pacíficu y entiende los siguientes países: Chile, Ecuador, Perú, Colombia, Centroamérica, México, Bolivia, Arxentina, EEXX, Canadá, Rusia, Taiwán, Xapón, Indonesia, Filipines, Nueva Guinea y Nueva Zelanda.
– La zona volcánica Mediterránea-Asiática. Abarca dende l’Atlánticu al Pacíficu. Inclúi Italia y la zona sureste d’España (Almería y Murcia, por casu).
– La zona volcánica Índica. Arrodia l’Índicu hasta llegar a la zona volcánica Circumpacífica.
– La zona volcánica Africana. Va dende Mozambique hasta Turquía.
– La zona volcánica Atlántica. Estiendese a lo llargo del centru del océanu Atlánticu (Canaries, por casu).
