La Oficina de Normalización Llingüística de Xixón asoleyó’l pallabreru temáticu n’asturianu nuevu de la serie que vien dedicando a los deportes, nesta ocasión centráu nel rugbi. El so autor ye José Ramón Matilla.
Esti añu, el deporte qu’ocupa les páxines del pallabreru ye’l rugbi, un deporte centenariu n’España.- Fonte: Asturies.com / enllaz pa descargar PDF
Amás, ye un bon momentu pa presentar esti cartafueyu, col entamu del campeonatu VI Naciones de rugbi’l pasáu fin de selmana.
Nel actu tuvieron presentes, amás del director de la FMCEyUP, José Ramón Matilla (autor de los testos) y Alberto Pérez (presidente de la Federación de Rugby del Principado de Asturias, FRPA).
¡Tenéis el pallabreru nesti enllaz (https://cutt.ly/63imhTR) y en papel na Oficina de Normalización!“Ésti fai’l númberu 14 de los pallabreros que venimos editando cada añu col enfotu de que sía una ferramienta, un preséu amañosu, pa que la xente conoza los distintos deportes que se prautiquen na nuesa ciudá, les sos regles, el so funcionamientu y la so historia, y la propia llingua, un patrimoniu fundamental y una riqueza qu’hai que caltener, y ésa ye la filosofía de los pallabreros”
…siguió María Xosé Rodríguez López, responsable de la Oficina de Normalización, qu’agradeció a Matilla “pol trabayu, el procuru y l’enfotu que punxo dende’l principiu. Dimos cola persona correuta”.
Pa finar, Matilla rescampló qu’esti trabayu “va ayudar a dos coses. Una ye al xuegu del rugbi, un deporte que nos años 60 y 70 foi mui importante en Xixón y tuvo muncha xente y munchu predicamentu”, y, la otra, “la normalización de la llingua asturiana. Podemos falar de cualesquier cosa nesta llingua”. “Matamos dos páxaros d’un tiru: audamos a normalizar la llingua y a la difusión del rugbi ente la xente más mozo”, completó.
