Día Mundial de les Abeyes

Les abeyes son los animales más trabayadores de la tierra y col so trabayu beneficien a les persones, al mediu ambiente y a la naturaleza.

Al tresportar el polen d’una flor a otra consiguen qu’haya xuna variedá de frutes, verdures y granes increíble y qu’amás les colleches sían de meyor calidá, contribuyendo asina a la seguridá alimentaria y a nutrición. Y nun digamos de la producción de miel, cera y otros productos deliciosos y nutritivos pa les persones.

Les abeyes polinicen munchos de los cultivos utilizaos para alimentar animales. La so ausencia derivaría irremediablemente nun problema grande para la producción d’alimentos básicos d’orixe animal. Lo que nun principiu paecería daqué pequeñu terminaría per ser una auténtica “bola de nieve”. N’última instancia, los ecosistemes colapsaríen a razón de que les abeyes polinienn árboles y flores que funcionen como alimentu y abelugu d’otros insectos que, de la mesma, sirven d’alimentu a animales más grandes.

Videu SERIDA /Servicio Regional de Investigación y Desarrollo Agroalimentario – SERIDA

? El fechu de que les abeyes duermen nun se demostró sinón hasta 1983.
? Walter Kaiser reparó que les abeyes del so truébanu dexaron de movese. Fixo un nuevu descubrimientu: les abeyes dormíen. Foi’l primer rexistru de suañu nun  invertebráu.
? Duermen ente 5 y 8 hores al día.
? Les abeyes pañadores duermen pela nueche cuando nun pueden salir a recoyer polen, pero se reparó que tamién tomen pigazos curtios nes flores. Abeya durmiendo