Escolares de Ribeseya avérense’l oficiu marineru al traviés d’un proyectu inmersivu de Pesca España Ribeseya Sociedá. El puertu y la rula de Ribeseya, see de la Confrería de Pescadores Virxe de Guía, acoyó esta mañana una esperiencia inmersiva na que los escolares del conceyu averáronse al oficiu de la pesca profesional y a tou cuanto lu arrodia.
- Fonte: COPE Ribadesella /
- Pesca España Fuente de Felicidá / Facebook / Instagram /
Un centenar d’estudiantes de cuartu, quintu y sestu de primaria de los colexos Ntra Sra del Rosario y Manuel Fernández Xuncos pasaren a lo llargo de la mañana pol muelle pesqueru para conocer los secretos y les bondaes d’esta actividá ancestral que se caltien como actividá estratéxica na economía y desenvolvimientu d’esta villa marinera.
Ribeseya foi la primer parada del proyectu Puertu Felicidá que promueve Pesca España, entidá na que s’arrexunten importantes organizaciones de productores pesqueros d’España, cola collaboración d’Educación Azul, asociación de carácter social empobinada a la promoción del mar, de los sos recursos, los sos valores y el so conservación.
Mientres más de dos hores, los escolares de Ribesella esfrutaron de distintes actividaes que-yos dexaron vivir en primer persona’l trabayu a bordu d’un barcu, gracies a la realidá virtual, así como esfrutar de distintes esperiencies rellacionaes cola pesca como una puya de pexe na rula.
“Este ye un oficiu duru, pero fantásticu. Ye maraviyosu ver los superalimentos que traen a puertu los nuesos barcos”, Antonio Nieto, xerente de Pesca España.
L’actividá contó cola presencia del alcalde de Ribesella, el Conceyal d’Educación, el director xeneral de Pesca Marítima del Principáu d’Asturies, el Secretariu Xeneral d’Educación Azul y el Patrón Mayor de Ribeseyaa así como distintes autoridaes locales.
El de Ribeseya foi esta mañana’l puertu más feliz d’España, pero va haber mas porque’l proyectu Puertu Felicidá va siguir la so andadura a partir del mes de setiembre, por distintes localidáes costeres del País Vascu, Galicia, Andalucía y Asturies. Entá nun se concretaron les sos siguientes paraes.
