La 4️⃣0️⃣ Selmana de les Lletres Asturianes va tar dedicada a l’escritor y emigrante Xosé Álvarez «Pin». Cultura va collaborar colos centros asturianos pa poner en valor el papel de la emigración na salvaguarda de la llingua y la lliteratura asturiana. L’homenaxáu Xosé Álvarez, Pin, foi una figura clave na primer promoción del Surdimientu y na lliteratura infantil en llingua asturiana
- ℹ️Más info: actualidad.asturias.es
- Xosé Álvarez «Pin»: wiki / biografíes /
- Asturies.com / Nortes.me /
Adelantóse cuasi una década al Surdimientu,
escribiendo’l so primer cuentu n’asturianu en 1966,
con 18 años.
La 46 Selmana de les Lletres Asturianes va dedicase al escritor y emigrante Xosé Álvarez, Pin
- Cultura va collaborar colos centros asturianos pa poner en valor el papel de la emigración na salvaguarda de la llingua y la lliteratura asturiana.
- L’homenaxáu Xosé Álvarez, Pin, foi una figura clave na primer promoción del Surdimientu y na lliteratura infantil en llingua asturiana
El Gobiernu d’Asturies va homenaxar al escritor Xosé Álvarez, Pin, na 46 Selmana de les Lletres Asturianes, que va celebrase nel 2025. La Conseyería de Cultura, Política Llingüística y Deporte yá empezó los trabayos pa iguar la programación cultural que va rindir homenaxe a Pin, autor del llibru de rellatos Fíos de naide, ún de los cuentos más sobresalientes de la producción lliteraria de los años setenta y ochenta del sieglu pasáu.
D’esta manera, Cultura va homenaxar a ún de los máximos esponentes de la lliteratura asturiana na diáspora, porque Pin caltuvo viva la cultura asturiana dende Arxentina, onde emigró bien mozu cola madre dende Balmonte, y más tarde dende Madrid.
Dende’l país arxentín caltuvo una rellación sobre manera emocional con Asturies y la so lliteratura, y dende la capital española siguió nutriendo la lliteratura infantil en llingua asturiana y vinculóse a asociaciones bien actives na defensa de les llingües y cultura d’Asturies, yá que formó parte de Conceyu d’Asturies en Madrid.
Al traviés de la figura d’Álvarez, la Conseyería de Cultura quier poner en valor el papel de la emigración na salvaguarda de la lliteratura y la llingua asturiana. Poro, va poner en marcha un ambiciosu programa en collaboración colos centros asturianos col fin de reconocer y visibilizar a aquelles persones y iniciatives que, dende la diáspora, mantuvieron viva la cultura asturiana como principal pilar de la so identidá y qu’asina lo tresmitieron a les siguientes xeneraciones.
D’otra manera, la cultura y la llingua fueron llazos que permitieron abrazar a la patria d’orixe dende la distancia y hermanase con otros semeyantes, al tiempu qu’instituyeron a la emigración asturiana como embaxadora d’Asturies que contaxó la so vital sentimientu d’asturianía a numberoses persones nos diferentes países d’acoyida.
Fonte: Asturies.com
Repasamos la trayeutoria del escritor de Cigüedres,
al que va tar dedicada la XLVI Selmana de les Lletres Asturianes.
Xosé Álvarez Fernández ‘Pin’ ye ún de los escritores más reconocíos de la lliteratura de la diáspora. “Dende’l país arxentín”, onde emigro xunto a la so madre, “caltuvo una rellación sobre manera emocional con Asturies y la so lliteratura, y dende la capital española siguió nutriendo la lliteratura infantil en llingua asturiana y vinculóse a asociaciones bien actives na defensa de les llingües y cultura d’Asturies, yá que formó parte de Conceyu d’Asturies en Madrid”, que llegó a presidir, rescamplaron dende’l Gobiernu.
Nacíu nel añu 1948 nel conceyu de Miranda, crució’l charcu de críu y fixo’l camín inversu en direición a Castilla de rapaz. Trabayador de los coches-cama de RENFE y, más alantre, como emplegáu de banca, adelantóse cuasi una década al Surdimientu, del que ye consideráu’l primer narador realista, escribiendo’l so primer cuentu n’asturianu nel 1966, con 18 años.
Nel 1970 la revista ‘Asturias Semanal’ asoléya-y una carta n’asturianu, la primera de la revista onde cuatro años más tarde diba nacer Conceyu Bable. Tamién gana’l primer concursu de cuentos en llingua asturiana que convocó’l Muséu del Pueblu d’Asturies en Xixón nel 1973, na etapa de Luis Argüelles como direutor, por iniciativa de l’Asociación d’Amigos del Bable.
La importancia del Conceyu d’Asturies en Madrid
La Facultá de Ciencies de la Información de Madrid ye’l llugar onde va axuntar un piñu d’asturianos que terminaríen formando nel 1976 l’asociación Conceyu d’Asturies en Madrid, una organización clave pa entender la evolución del asturianismu y el procesu de recuperación llingüística, que llegó a tener local propiu en Fuencarral, espublizó dos revistes (‘Restallu’ y ‘El Picatueru’) y convocó dellos concursos de poesía y narración. Neto, Fonsu Velázquez, Xuan Cándano, Xelu Neira, Xicu Yepes, Xulio Llaneza, Pepa Fernández, Xulio Ramos, Xosé María Rodríguez, Roberto González-Quevedo, Javier Cuartas, Carme Tineo, Celia Cardo, Mario Bango, Antonio Palicio, Cándida Domínguez, Maestru Casanova, Alfredo Huergo, David Rivas, Llarina Rodríguez son dalgunos de les persones que participaron nesti coleutivu.
‘El bable de Xuanín ia outrus cuentus’ foi’l so primer llibru, editáu en Madrid nel 1980, nel que busca una xuntanza cola lliteratura oral tradicional al través de relatos onde’l mundu de referencia ye l’occidente rural de la so infancia y de la so memoria, a los que siguieron ‘Fíos de naide’ (1981), ‘Cuentos de nós’ (1983) y ‘Los tres reis (cunuciendo los nuesus animales)’ (1983), ún de los primeros llibros infantiles n’asturianu. Miembru correspondiente de l’Academia de la Llingua Asturiana dende la so creación, esta institución espublizó-y nel 2011 el ‘Vocabulariu de Miranda’, el trabayu de toa una vida de recopilación de pallabres y espresiones del so conceyu de nacencia.
D’igual forma, tamién dexó fechos trabayos de recoyida de refranes. Pin recibió’l ‘Urogallo de Bronce’ na categoría lliteraria del Centro Asturianu de Madrid nel 1990 y dio nome a un concursu de cuentos n’asturianu que convocaba esi mesmu centru nel entamu del sieglu XXI.
Hacia l’añu 2000 regresó al activismu llingüísticu y cultural, cola idea de volver a poner en marcha’l Conceyu d’Asturies en Madrid, pero morría de sópitu por un infartu en Cigüedres, onde pasaba unos díes, nel 2001. Amás de pola so faceta como escritor, Pin rescampló pola so importante xera de difusión de la cultura y la llingua asturianes na capital estatal y otros llabores rellativos a la edición de llibros, propuestes normalizadores del idioma y convocatoria de concursos lliterarios dende’l Conceyu d’Asturies en Madrid.
Nel terrén políticu, yera un nacionalista d’izquierdes convencíu, comprometiéndose nos proyeutos políticos que nacieren mientres la década de los 80.
JOSÉ ÁLVAREZ FERNÁNDEZ “PIN DE CIGÜEDRES”
Xosé Álvarez Fernández (Pin) nació en Cigüedres en 1948. De joven emigró a Argentina y después recaló en Madrid con su familia. En la capital española, junto a otros estudiantes asturianos, fundó en 1976 la asociación cultural Conceyu d’Asturies, de la que fue secretario general.
Xosé Álvarez era uno de los narradores más interesantes de la primera generación del Surdimientu. Escritor en asturiano occidental en sus comienzos, se iría inclinando con los años, por un modelo más estándar del asturiano central. Como narrador es autor de tres libros: El bable de Xuanín ya outros cuentus (1980) y Fíos de naide (1981) y Lus tres reis (1983). En el primero de ellos, el escritor busca un acercamiento con la literatura oral tradicional a través de relatos donde el mundo de referencia es el occidente rural de su infancia y de su memoria. En Fíos de naide prosigue esta búsqueda de la propia memoria campesina y a la vez encuentra nuevos ámbitos en los que desarrollar sus relatos, como el mundo urbano o la emigración. Viene considerándose el primer narrador realista del Surdimientu. Autores posteriores como Fonsu Velázquez, Antón García o Xuan Bello lo reivindicaron como uno de los escritores que marcaron “dende la llingua asturiana’l so aldu estéticu”.
Además de su faceta de escritor, Xosé Álvarez, fue fundador y presidente del Conceyu d’Asturies de Madrid, asociación desde la que llevó a cabo una importante tarea de difusión de la cultura y la llingua asturiana en la capital del Estado, así como otros trabajos relativos a la edición de libros, a propuestas normalizadoras del idioma o a la convocatoria de concursos literarios.
Fue miembro correspondiente de L’Academia de la Llingua Asturiana desde su constitución en 1981. Murió en su pueblo de Cigüedres el 11 de junio 2001 a la temprana edad de 53 años.
