Nel Cordal Cantábricu púdose comprobar que la lactanciaenllargase al segundu añu de vida de les críes, hasta’l momentu de la so emancipación, anque según van creciendo la lleche vuélvese menos importante na dieta de los pequenos osos.
Los esbardos averense a la osa para mamar: meten la cabeza nel lladral de la madre o inclusive s’introducen per debaxo d’ella, cuando ta comiendo. Tamién puede ser la madre la que se siente o se balte por que les sos críes avérense y puedan mamar de les sos 6 tetilles funcionales (4 pectorales y 2 inguinales). La osa llevántase para poner fin al amamantamientu, con cuidu o de forma sópita, y los pequenos esbardos quédense saciaos y tranquilos para dixerir esa lleche tan enerxético.
