Nun puede pasar un día ensin una repercusión to nel mundu que te arrodia. Les tos acciones marquen una diferencia y tu decides qué tipu de diferencia quies marcar.
La degradación del suelu afecta de manera directa la vida de les persones y los sos medios de subsistencia, amenaciando la seguridá alimentaria y de l’agua y provocando migración y desplazamientu. Precisamos entamar acciones concretar pal llogru d’un cambéu tresformador que dexe lluchar contra la crisis climático y medio ambiental y les sos implicancias sobro la movilidá humana.
Cada añu, millones de persones son movíes poles catástrofes. En 2023, los desastres provocaron 26,4 millones de nuevos desplazamientos internos (Informe Mundial 2024 del Centru de Monitoreo del Desplazamientu Internu). Acordies con el Bancu Mundial, ensin una acción climática y pal desenvolvimientu, temprana y alcordada, más de 216 millones de persones podríen convertise en migrantes climáticos internos en 2050. Apura entamar acciones concretes.
La OIM convoca a tolos gobiernos y partes comenenciudes pa encetar la realidá de la crisis climática, brindando soluciones concretes pa les persones que yá tán en movimientu, pa les que deseyen camudase y pa les que quieren quedase.
La migración bien enriada y les iniciatives pa la restauración de la tierra tienen de ser parte de la solución. Ye necesariu incluyir y empoderar a les persones más afectaes pola degradación del suelu, la desertificación y la seca en rellación cola toma de decisiones y les acciones correspondientes.
