El xuegu fai del mundu un llugar meyor. El primer Día Internacional del Xuegu, que se celebra per primer vegada’l 11 de xunu de 2024, sirve para destacar la importancia de caltener, promover y dar prioridá al xuegu por que toes les persones, especialmente los neños, puedan aprovechar los sos beneficios y desenvolver tol so potencial.
Más allá de la mera recreación, el xuegu ye un llinguaxe universal que falen persones de toles edaes y que tesciende fronteres nacionales, culturales y socioeconómiques.
- El 71 % de los neños afirma que’l xuegu ye importante porque-yos fai felices, y el 58% diz que ayúdalos a faer amigos y pasalo bien colos demás.
- Calcúlase que 160 millones de neños de too el mundu trabayen en cuenta de xugar o aprender.
Tamién aguiya la resiliencia, la creatividá y l’innovación de los individuos. Para los neños n’especial, el xuegu ayuda a construyir relaciones y ameyora el control, la superación de traumas y el resolvimientu de problemes. Ayúdalos a desenvolver les habilidaes cognitives, físiques, creatives, sociales y emocionales que precisen para espolletar nun mundu en constante cambéu.
Vese quitáu d’oportunidaes para xugar perxudica directamente’l bienestar y el desenvolvimientu del neñu. Nes redolaes educatives, l’aprendizaxe basáu nel xuegu foi reconocíu como un enfoque eficaz para implicar viviegamente a los alumnos nel procesu d’aprendizaxe. Dexa que l’aprendizaxe sía más amenu y pertinente, colo qu’aumenta la motivación y la retención de la información.
Amás, considérase que’l xuegu tien efectos positivos na promoción de la tolerancia, la resiliencia, amás de facilitar la inclusión social, la prevención de conflictos y l’afitamientu de la paz. Por ello, la Convención de les Naciones Xuníes sobre los Derechos del Neñu consagra’l xuegu como derechu fundamental de tolos neños nel so artículu 31.
El Día Internacional sirve para destacar un momentu unificador a escala mundial, nacional y local para destacar la importancia del xuegu. Ye un llamamientu a les polítiques, la formación y el financiamientu para integrar el xuegu na educación y les redolaes comuñales en tol mundu.
