Prevese qu’en 2026 el conteníu n’internet para alimentar la intelixencia artificial xenerativa yá s’escosaría. Dempués va tener que consumir datos ‘sintéticos’.
- Fonte: Alto Nivel /
La Intelixencia Artificial Xenerativa (IAG) yá ye víctima del so propiu ésitu y rápida evolución: Tán escosándose les grandes cantidaes de datos coles que s’entrenen los Chatbots de les principales empreses propietaries d’esta tecnoloxía, lo que demuestra que la información y los testos conversacionales agospiaos n’internet nun son infinitos.
La industria yá esquiza como solución a esta problemática faer usu de datos sintéticos, esto ye, utilizar los mesmos productos xeneraos pola IA por que esta entrénese a sí mesma.
Acordies con el Supervisor Européu de Protección de Datos, trátase de “datos artificiales” que se xeneren a partir d’información orixinal o orgánica que la so autoría ye humana.
Énte la previsión de que, a más tardar en 2026, el conteníu d’internet va escosase por completu p’alimentar a la IAG, y considerando les diverses demandes por derechos d’autor qu’enfrenten los consorcios creadores de Chatbots, los datos sintéticos o artificiales representen xuna opción por que’l sector siga siendo competitivu y *redituable *económicamente.
El problema ye que los erros, allucinaciones, inexactitudes y sesgos de los datos sintéticos podríen xenerar na IA una espiral qu’acentúe estes llimitaciones, afectando la calidá de les actualizaciones de los Chatbots, y les consecuentes ganancies económiques de los consorcios tecnolóxicos.
Ye por eso qu’agora tamién se ta falando del Horizonte de Sucesos” (Event Horizon) de la Intelixencia Artificial, un términu tomáu de l’astrofísica que, nos modelos de llinguaxe de gran tamañu (LLM, poles sos sigles n’inglés) significa llegar a un puntu críticu.
Nesi tenor, Sam Altman, director executivu d’OpenAI, la firma creadora de ChatGPT, reconoció nuna entrevista que la IAG va precisar nueves técniques pa ser entrenada, pos ye inocente pensar que los Chatbots van esguilar solo colos “tokens” llograos d’internet.
Implicaciones étiques. Para cuntar con nueves versiones de Chatbots ríquense datos actuales y calidable, con cuenta de la IAG siga produciendo testos, voces ya imaxes qu’emulen a les creaciones humanes.
No inmediato, énte l’escosamientu de la información d’internet, l’usu de datos sintéticos ye l’alternativa más vidable p’actualizar y siguir entrenando a la Intelixencia Artificial.
Sicasí, l’usu d’esti tipu de datos tamién plantega dellos dilemes éticos: Per un sitiu, xuna parte de los datos sintéticos tien como orixe información que sería llograda, ensin permisu, d’obres protexíes pol derechu d’autor.
