1. Que toos precisamos ayuda
2. Que nun hai que ser perfectos
3. Que non siempres tenemos que tar allegres
4. Qu’hai que falar de los problemes
ENCANTO ye en realidá una película sobro los traumas xeneracionales (dificultaes que se pasen de xeneración en xeneración) y los mandatos familiares (los papeles qu’asignamos a los fíos dientro de la familia).
- Encanto: ficha Filmaffinity / Trailer castellán / BSO /
1. Que toos precisamos ayuda
Luisa ye la hermana más fuerte y encárgase de toles xeres dures ella sola. Pero hasta les persones más fuertes precisen ayuda; de lo contrario desenvolvemos tics, estrés y col tiempu ansiedá. Nenguna persona puede faer toles coses por sí sola.
2. Que nun hai que ser perfectos
La hermana perfecta ye Isabela, tien un pelo rescamplante, ye responsable y siempres ta perfecta. Pero la realidá ye que naide pue ser perfectu. Nun sías demasiao esixente colos tos fíos. L’escesu d’esixencia deriva en murnia.
3. Que non siempres tenemos que tar allegres
El clima contrólalo tía Pepa colos sos estaos d’ánimu. Fixéron-y creer que la felicidá de los demás depende del so estáu anímicu. Pero esa ye una carga bien pesada que provoca codependencia. Nun pidas a los tos fíos que faigan les coses por ti y nun-yos faigas sentir que tienen que tar siempres contentos. Toos tenemos derechu a sentinos murnios.
Y SOBREMANERA…
4. Qu’hai que falar de los problemes
La güela tien mieu de falar de los problemes. Pero la realidá ye que si nun falamos de los problemes y dificultaes que vivimos quedense pa siempres nel nuesu corazón. Ye lo qu’en psicoloxía llamamos traumas emocionales. El tíu Brunu sí vía los problemes y por eso la Güela ordena que naide fale de Bruno. Ye importante qu’enseñes a los tos fíos que falar de los problemes ye la meyor manera de curiar la so salú mental.
