Disfruto como una neña cuando vos retrato onde sois y facéis vida. Voi percorriendo Asturies, pasando pelos pueblos de los cantares y poniendo en valir la fotografía en pueblu.
- Felpeyu: La Pongueta
Canción ‘La pongueta’ del grupu de folk asturianu Felpeyu.
Pela baxada a Sellañu,
dibes dexando la vida.
Pendirriba, pendibaxo,
goxes, macones y paxos
de Cazu pa les Arriondes.
Pela baxada a Sellañu,
nun requexu, Ponga entero.
Pendirriba, pendibaxo,
el to saber na to fala
y un fardaxáu de llamentos.
Nun sé que viera nes sayes
que de neñu m’envolvieran:
señardá, besos y ciñu,
mimos, calor y conciencia.
Faigo por vete
peles calles, nos lletreros
y na fala de los vieyos.
Faen por borrate
de los mios güeyos y manes,
peru nun son quien a ello.
Pelos requexos de Ponga
yá nun pasa la goxera.
Pendirriba, pendibaxo,
el so saber yá reposa,
camín de que s’escaeza.
Dende’l Suanciu, Ponga entero
ye foriato en casa d’ella.
Pendirriba, pendibaxo,
colos nomes camudaos
en daqué fala estranxera.
Nun sé lo que deben ver
que-yos dan mieu les palabres
a los que tienen el filu
del to resuellu nes manes.
Faigo por vete peles calles,
nos lletreros
y na fala de los vieyos.
Faen por borrate
de los mios güeyos y manes,
pero nun son quin a ello.
Naguo por vete peles calles,
nos lletreros
y na fala de los neños.
Faen por borrate
de los mios güeyos y manes,
pero nun son quien a ello.
