Barbón reivindica en Nava la importancia de la sidra como parte del patrimoniu milenariu» d’Asturies. El presidente espresa’l so enfotu en que la Unesco declare anguaño la cultura sidrera patrimoniu mundial inmaterial
El presidente del Principáu participó güei nos actos de la 47ª edición del Festival de la Sidra de Nava, “una fecha ineludible del branu asturianu”, onde reivindicó la bébora rexonal por excelencia. “Quiero faer una reconocencia a la importancia de la sidra, que forma parte del nuesu patrimoniu milenariu”, sorrayó.
Adrián Barbón recordó que los ástures de dambos llaos del cordal yá consumíen uno bébora fermentá en mazana, según reflexen distintos estudios científicos publicaos apocayá.
Tamién espresó’l so enfotu en que la Unesco declare anguaño la cultura sidrera patrimoniu mundial de la humanidá, un fechu que supondría un emburrie «fundamental” para la protección y promoción de les tradiciones amestaes a esta bébora.
Igualmente, punxo en valor l’escanciáu, unu de los elementos diferenciales de la cultura sidrera xuntu cola botella, el llinguaxe o la forma de consumila. “La sidra ye para compartir y para socializar”, señaló.
