Gústa-yos porque siempres suañen coses formoses. Si un dragón suaña con un árbol enorme, llenu de flores, cuando s’espierta atopa al so llau un lapacho, un ceibo o un jacaranda.
Si suaña con camparines, apenes abre los güeyos ve un mundu de camparines con nales doraes, con nales azules, con nales de toos los colores esnalando pel monte.
¿Cómo, si non fora polos suaños d’un dragón, podríamos entender que de sópitu apaezan millares de golondrines nel cielu? ¿Cómo podríamos esplicanos que d’un día para otru’l campu enllénase de flores coloraes? ¿Cómo podríamos entender que de la nada sala un arcu iris? ¿D’ónde apaez un sol radiante metanes l’agua? Namá s’esplica pol suañu d’un dragón.
Y los dragones queden contentos colos sos suaños, porque saben que producen coses formoses…
Fragmentu de “Suañu de dragón” de Gustavo Roldán. Imaxe
