Según los xaponeses, tol mundu tien un ikigai, un motivu para esistir. Dalgunos atópenlu y son conscientes del so ikigai; otros llevenlu dientro, pero inda lu tán buscando. Fonte: Tristanelosegui /
Este ye unu de los secretos para una vida llarga, nueva y feliz como la que lleven los habitantes de Okinawa, la isla cola población más llonxeva del mundu.
Les 11 lleis del ikigai:
1. Mantente siempres activu, nunca te retires. Quien abandona les coses qu’ama y sabe faer, pierde’l sentíu de la so vida. Por eso, inclusive dempués de terminar la vida llaboral «oficial», ye importante siguir faciendo coses de valor, avanzando, apurriendo guapura o utilidá a los demás, ayudando y dando forma al nuesu pequenu mundu.
2. Tómatelo con aselu. Les prieses son inversamente proporcionales a la calidá de vida. Como diz un vieyu proverbiu: «Caminando adulces llégase llueñe». Cuando dexamos tras les urxencies, el tiempu y la vida adquieren un nuevu significáu.
3. Non comes hasta enllenate. Tamién na alimentación para una vida llarga, «menos ye más». Según la llei del 80%, para caltener la salú enforma tiempu, en llugar d’enfarxopetase hai que comer un pocu menos de la fame que tenemos.
4. Arródiate de bonos amigos. Son el meyor mestranzu para eslleir les esmoliciones con una bona charra, cuntar y escuchar anécdotes qu’allixeren la esistencia, pidir conseyu, prestanos xuntos, compartir, suañar… D’últimes, vivir.
5. Ponte en forma para’l to próximu cumpleaños. L’agua muévese, flúi fresca y nun s’enllanca. De la mesma, el to vehículu para la vida precisa un pocu de caltenimientu diariu por que pueda durar munchos años. Amás, l’exerciciu segrega les hormones de la felicidá.
6. Sonri. Una actitú bonable fai amigos y relaxa a la mesma persona. Ta bien dase cuenta de les coses que tán mal, pero nun hai qu’escaecer el privilexu de tar equí y agora nesti mundu llenu de posibilidaes.
7. Reconecta cola naturaleza. Anque la mayoría de seres humanos vivan en ciudaes, tamos fechos para fundinos cola naturaleza. Precisamos regularmente volver a ella para cargar les piles de l’alma.
8. Da les gracies. A Dios, a los tos antepasaos, a la naturaleza que te aprove aire y alimentu, a los tos compañeros de vida, a tolo qu’alluma’l to día ente día y te fai sentir dichosu de tar vivu. Dedica un momentu del día a dar les gracies y vas aumentar el to caudal de felicidá.
9. Vive’l momentu. Dexa de llamentate pol pasáu y de tarrecer el futuru. Tolo que tienes ye’l día de güei. Da-y el meyor usu posible por que mereza ser recordáu.
10. Esfruta del to musica preferida, la musica activa los tos sentíos mas que cualquer actividá.
11. Sigue’l to ikigai. Dientro de ti hai una pasión, un talentu único que da sentíu a los tos díes y te emburria a dar lo meyor de ti mesmu hasta’l final. Si nun lu has atopáu entá, la to próxima misión va ser atopalo!
