El Gobiernu d’Asturies, al traviés del Consorciu de Tresportes d’Asturies, amplía esti branu la so ufierta de rutes para poder aportar en tresporte públicu a los siete Acutes de la Biosfera, espacios protexíos de la mariña asturiana y enclaves o eventos con especial arribación de públicu. Cartelu
Los servicios van funcionar dende’l 1 de xunetu hasta’l 9 de setiembre. Toos ellos, sacante’l plan especial d’accesu a los llagos de Cuadonga, tán incluyíos dientro de la plataforma de movilidá CONECTA, que dexa movese por toa Asturies por un máximu de 30 euros al mes.
Dientro de la so campaña de branu’l Consorciu de Tresportes d’Asturies, en collaboración colos conceyos, va poner en marcha los habituales servicios especiales venceyaos a la celebración de grandes fiestes populares. Amás, CTA va caltener la so ufierta de conexones con equipamientos estratéxicos como l’aeropuertu o les estaciones ferroviaries con alta velocidá y tamién los servicios búho.
