- WEB / Videu 1 / Videu 2 / RTPA Videu /
Domingo 25. A los once de la mañana va tomar la salida’l desfile tradicional que va dar pasu, una hora más tarde, a la llectura del pregón y entrega del premiu de poesía. A la una de la tarde va tener llugar la misa y posterior procesión.
A les dos de la tarde, en Cadaveu van esfrutar de l’actuación de los grupos: Grupu Folclóricu Orales d’Aguilar, Agrupación Folclórica y Popular L’Espolín, Coros y Danza Xovellanos, Coros y Dances La Regalina.
El campu de La Garita queda pequeñu para allugar a cientos de visitantes. La tradición foi la gran protagonista d’una de les grandes fiestes del branu na rexón. La Regalina rexuntó a miles de persones nun campu de La Garita que se quedó pequeñu para honrar a la virxe de Riegla.
El pregón, un añu más, ácidu y reivindicativu. José Manuel Fernández repasó la política nacional y rexonal y menciones a cuestiones d’actualidá, como los retrasos de l’Ave.
La danza prima foi otru de los grandes momentos. Tamién l’esplegue d’asturianía, d’elementos de gran tradición n’una localidá, Cadavéu, qu’esfruta d’una fiesta dende fai 93 años. En 1931 el Padre Galu mandó llevanta equí una ermita que se convirtió en tou un símbolu.
Un día de fiesta esperáu mientres meses por vecinos y visitantes.
A les cinco de la tarde, va ser la vez de les gaites cola Banda de Gaites Corvera, Banda de Gaites La Reina del Truébano y L’Enxambre, quien van actuar en compañía de los grupos de baille. A les siete de la tarde celebrará la tradicional rifa de les alfilades.
A les siete y media, va siguir la música col conciertu de Seis Riales.
La última cita de la xornada va tener llugar a partir de les diez y media, cola verbena amenizá polos grupos Madastur y Da Xibla.
