- Fonte: Lena Ciclista /
La salida d’esta etapa va ser inédita y va tar asitiada n’Infiestu . Asturies volverá ser protagonista na próxima edición de La Vuelta Ciclista a España con dos llegaes n’alto a Cuitu Negru (L.lena) y los llagos de Cuadonga (Cangues d’Onís) los díes 1 y 3 de setiembre, y el pasu per Degaña y Cangas el 31 d’agostu.
Perfil, horarios y mapa del percorríu de la 15ª etapa de La Vuelta 24
La primer xornada que se va apostar íntegramente nes carreteres asturianes va ser el domingu día 1 de setiembre, con salida n’Infiestu y meta nel Cuitu Negru en percorriendo 142 kilometros. Una etapa curtia, pero con dos pasos pol altu de La Colladiella de primera categoría, antes d’enfrentase al puertu final, el Cuitu Negru. El visu asitiáu nel puntu más altu de la estación iverniza de Valgrande-Payares foi afayada por La Vuelta en 2012. Ye espectacular, ye lo nunca visto. Ye rampla pura. Muriu. Ye’l gran descubrimientu. Emoción pura. Enforma dio que falar l’entós inéditu puertu l.lenizu.
L’ascensión a Valgrande-Payares allargase hasta los 19,4 kilómetros de llargor p’afayar les esperadísimes ramples del Cuitu Negru. Fueron trés kilómetros los que s’añaden n’asfaltando la pista de la estación d’esquí onde hai enclinos del 16, el 20 y hasta el 22%.
Dario Cataldo punxo’l so nome pa la eternidá como’l primer vencedor de la hestoria del Cuitu Negru. El ciclista italianu alzose con una agónica, histórica y terrible victoria que va pasar a la posteridá non solo pa él sinón tamién pa los añales del ciclismu modernu.
