Arranca n’Uviéu’l Festival ‘Parees’, dempués d’un parón en 2023, con murales inspiraos na madreña y la cerámica de Faro. Los primeros en xunir al andamiu sedrán Slim Safont y Marat Morik
Los primeros en xunir al andamiu sedrán Slim Safont y Marat Morik
N’Uviéu, yá tán preparaes dos grúes escomanaes, que tán esperando la llegada de los que van convertir n’arte les parees de dos edificios de la cai Luis Álvarez Fueyo, nel barriu de Villafría. Séptima edición del festival de muralismu urbanu ‘Parees’. Hasta’l 25 d’agostu, sedrán tres los reconocíos artistes, una asturiana, un catalán y un rusu, los que crearán obres inspiraes na cultura asturiana, reafitando’l compromisu del festival col territoriu.
