Tuvi l’honor de participar nel concursu para la elección del cartelu que va haber de promocionar el [VIII Concursu de Sidre Caseru de Piloña], cola mio propuesta titulada: Publio Carisio nel 25 a. C., celebra con un culete la ilusoria victoria sobro’l pueblu ástur. CARTELU
La mio propuesta se vale d’una doble reivindicación. La primera fai alusión al relatu que nel mesmu narro, sobro’l calter inexpugnable del pueblu ástur, y la perdurabilidás de nuesa raigón y mancomún cultural. La segunda, nel contestu del discutiniu qu’amenó’l cartelu ganador de la pasada edición, xuna obra cimera al mio pensar censurada de machista y obscena por un sector, en base al cuerpu desnudu de la muyer como reclamu y exa central de la obra en cuestión.
