El Conceyu presentó les instalaciones de PACO (Parque Acuáticu de Corvera) que yá s’atopen en plenu funcionamientu para recibir a los primeres bañistes.
Les ganes d’estrenar el Parque Acuáticu de Corvera ganaron al agua
El Parque Acuáticu de Corvera abrió les sos puertes. A les 12:00 de la mañana empezaron a llanzase los primeros bañistes pelos toboganes del PACO. Les ganes por estrenalu ganaron al agua y dalgunos, dempués de delles baxaes, yá tienen el so tobogán favoritu.
Un parque que solo na primera media hora vendió 200 entraes pela web y que celebró, de la meyor forma posible, el Día Mundial de l’Allegría.
Tres les sos palabres el grupu visitó la recepción, nel edificiu acondicionáu de la Casa del Deporte onde amás de la taquilla para mercar les entraes, atópense los baños, que tamién sirven para’l chigre del parque, los vestuarios y el botiquín. La zona ye amás compatible colos usos habituales de la casa del Deporte mientres tol añu como les clases de boxéu.
Y una vegada pasáu’l tornu, el gran reclamu. Los cinco toboganes, la piscina y la zona infantil fixeron que los vecinos sacaren llueu los móviles para inmortalizar el momentu. Nun ye para menos, pos tres casi trés años d’obres el PACO yá ye una realidá. «Los que yá tenemos unos años recordamos les piscines al campu y recuperando l’espaciu recuperábase l’espíritu d’eses piscines como un llugar d’alcuentru para families, amigos, vecinos…» señaló l’alcalde, arguyosu de recuperar un espaciu abandonáu mientres años.
Sobro’l Parque Acuáticu de Corvera (PACO)
El Parque Acuáticu de Corvera PACO, allugáu ente les cais San Pablo y Miguel Ángel Blanco de Les Vegues, en Corvera d’Asturies, ocupa xuna superficie de 4.228 m2 qu’inclúi zones verdes de descansu, merenderu, solárium, terraza con serviciu de restauración y l’área de piscines con distintes instalaciones acuátiques.
El PACO dispon de cinco toboganes: trés pistes paraleles de 22 metros de llargor y xuna cayida de 5,6 metros; un tobogán n’espiral cola mesma cayida y xuna llargor de 44 metros y otru tobogán zarráu o tubu con 7,5 metros de cayida y 26 metros de llargor. Tolos toboganes rematen nuna piscina de 145 metros cuadraos amiesta a otra de mayor caláu destinada al bañu. L’altor mínimu que tienen de tener les persones usuaries pal usu d’estos toboganes ye de 1,20 metros (ye obligatoriu que los as menores de 10 años tean acompañaos/as d’una persona mayor d’edá).
La zona de piscines inclúi amás un área pa xuegos acuáticos infantiles de remexos d’agua: unu con forma de delfín; otru con forma de pez; otros dos con forma de palmera –una d’elles con un cubu d’agua con forma de cocu incorporáu- y otru asonsañando xuna tabla de surf. Hai amás dos arcos acuáticos de suelu con pulverización d’agua y otros trés con remexos verticales. La área acuática infantil complétase con una torre con dos toboganes y trés xuegos d’agua con un altor total de 4,44 metros.
La área de vestuarios ufierta taquilles d’usu llibre y gratuitu con peslleres pa candáu.
