«Súbite a la tenobiera» n’Espinaréu, el 10 d’agostu

El viniente día 10 d’agostu va tener llugar na población d’Espinaréu (Piloña) la segunda xornada de les ocho que componen el programa Súbite a la Tenobiera, entamáu pola compañía profesional d’espectáculos asturiana Producciones Nun Tris.

Celebra la so segunda xornada cultural n’Espinaréu, destacando’l patrimoniu de los horros asturianos con actividaes gratuites.

La compañía Producciones Nun Tris entama esti innovador proyectu que’l so oxetivu principal ye la esaltación del horru asturianu al traviés d’acciones culturales nel mediu rural. Esti sábadu, 10 d’agostu, va tener llugar la segunda cita d’esti proyectu n’Espinaréu (Piloña). L’actividá central siempres inclúi una visita empuesta con animación teatral y musical, nesta ocasión, cola participación de l’Asociación d’Amigos del Horru. Tamién se programaron otres actividaes, como esposiciones, talleres y actuaciones. Per primer vegada, va #cuntar cola collaboración del mercáu El Raigañu. Toles actividaes son gratuites, de llibre accesu y aptes pa tolos públicos.

Curtia Esplicación del Proyectu:
Busca destacar el patrimoniu etnográficu asturianu, enfocándose nos horros, al traviés de diverses acciones culturales: visites empuestes, actuaciones, charres y representaciones, ente otres. Les actividaes van distribuyise n’ocho xornaes en distintes localidaes con concentraciones significatives d’horros. El proyectu tien un enfoque inclusivu y, amás del so oxetivu principal, enceta temes d’interés xeneral como’l ecofeminismo, la sostenibilidá, l’asociacionismo y la memoria histórica.

Esti proyectu ta subvencionáu pola Conseyería de Cultura na llínea d’ayudes a proyectos singulares na redolada rural, y busca dar visibilidá a los horros y aumentar la ufierta cultural de la zona. Tou esto realízase en collaboración con persones, asociaciones, entidaes y recursos locales rellacionaos cola temática en #cada allugamientu.

Trátase d’unes xornaes onde siendo los conxuntos d’horros, o unidaes singulares de los mesmos los protagonistes, van plantegase actividaes culturales de bien estremáu calter pero que vienen destacar la importancia qu’estes icóniques edificaciones tienen pa la sociedá asturiana. N’esi sen, va haber charres, presentaciones, visites guiaes, teatru, música, o esposiciones en caúna de les sedes, colo qu’amás d’apurrir un calter específicu a cada convocatoria, preténdese dinamizarde dalguna forma la vida cultural de cada allugamientu, colaborando con estremaes persones, asociaciones o entidaes. Nesti casu ye solliñable la collaboración cola Asociación El Raigañu, qu’entamará un mercáu popular que va tar instaláu tola xornada.

Escaleta d’actividaes:

• 12:00h Visita guiada al conxuntu d’horros d’Espinaréu, cola collaboración de l’Asociación d’Amigos del Hórreo. Inclúi: animación teatral al cargu de Producciones Nun Tris, una llectura de poemes el autor llocal Armando Vega y amenizada pola bandina de música tradicional Los Gascones. Final na Exposición de maquetes de horros.
• – 12:00h Apertura Exposición maquetes d’horros, al cargu de Javier Espina. Desplicación posterior pa les persones que ficieren la visita guiada.
• – 17:00h Visita guiada horros. Mesmu programa que la sesión matinal.
• – 17:00h Maquetes horros. Mesmu programa que la sesión matinal.
• – 19:00h Espectáculu llíricu-teatral «Suañando cantares», de Susana Gudín Producciones.

 

• – Durante tol día: Mercáu d’artesanía El Raigañu

Toles actividaes tán dirixíes a tolos públicos y son de baldre. ¡Esperámosvos!