Thomas Dambo tien el secretu que s’escuende nos montes de mediu mundu. Ye él quién ta escondiendo trolls xigantes que despinta en remotos llugares de too el planeta por que los atopen los visitantes. Más de 120 xigantes en 4 continentes.
Les manos de Thomas Dambo y les de dellos voluntarios locales son les que tán detrás d’estes enormes escultures feches con madera reciclada. El proyectu Los 7 Trolls y La Torre Máxica atópase nun monte de Bélxica, y trátase de 7 trolls d’ente 7 y 18 metros d’altor (dalgunos tán de pies, otros sentaos y dos d’ellos baltaos), que tán fechos con madera procedente d’estantes vieyos de supermercaos y cañes d’árboles cayíes.
