- Fonte: LNE / Inauguración CRAMA / https://acuariogijon.es/
Asina funciona’l sanatoriu del Acuariu de Xixón: dos tortúes bobes recuperaes para volver al mar. Los animales, unu con una aleta amputada y otru ensin un güeyu, llistos para volver al mar: «Tán perfectos». «Yá tán perfectes para volver al mar». Son palabres de Susana Acle, responsable de Veterinaria ya Investigación del Bioparc Acuariu de Xixón. Nel Centru de Recuperación d’Animales Marinos d’Asturies (CRAMA), allugáu ellí, aguarden para retornar al Cantábricu dos tortúes bobes rehabilitaes nes instalaciones.
La idea yera reintroduciles nel mediu marín esti martes, pero l’equipu del CRAMA y la Dirección Xeneral de Pesca del Principáu tornaron esa posibilidá poles desfavorables condiciones de les agües.
BIOPARC Acuariu de Xixón, un centru habilitáu para la recoyida d’animales selvaxes, como tortúes o foques. Animales qu’apaecen, desgraciadamente, varaos nes mariñes del Principáu d’Asturies que precisen ser rescataos pol personal de la Rede de Varamientos.
Nes nueses instalaciones tenemos cubes para agospiar a los animales recoyíos, y tamién, zones auxiliares como un llaboratoriu para analítiques y el so posterior toma de datos. El BIOPARC Acuariu de Xixón ta nun llugar privilexáu para una see d’esti tipu yá que, ente otres coses, tien accesu directu a l’agua de mar. Ensin resalvar, el gran llabor que desempeña’l nuesu personal, apurriendo ilusión, alta cualificación, amplies conocencies y munchos años d’esperiencia pa tratar y recuperar a esta tipoloxía d’animales.
El centru inaugurose con una inquilina, una tortúa boba que pesó 1,867 quilos cuando foi recoyida pol Principáu. Por cuenta de el so mala traza, tuvimos que toye-y xuna pata, lo que trai que nestos momentos siga recuperándose y acostumándose a nadar con 3 aletes por que pueda consiguir el so propiu alimentu. Tamos bien satisfechos col so ameyoramientu yá que anguaño pesa 3,630 quilos, y si sigue con esta progresión va completar la so recuperación pa volver al mar.
El trabayu de recuperación va xuníu a llabores d’investigación que’l so fin, ye poder ampliar la conocencia científica-técnicu de la fauna marina, de la situación de contaminación de los océanos y a ayudar a protexer el mediu ambiente.
Otru de los nuesos oxetivos fundamentales, ye enfocanos na educación y la divulgación. Yá que tamos convencíos, de que ye’l meyor mediu pa sensibilizar a la ciudadanía sobro la importancia del caltenimientu del mediu ambiente. Y que meyor que crear acciones pa los nuesos mozos y neños, que son el nuesu futuru, hasta la fecha rexuntemos a más de 1.800 estudiantes de toles edaes.
