- Fonte: ActualidadAsturias.es /
- El plazu pa que s’inscriban los centros escolares empieza’l 1 d’ochobre
- La conseyería ufierta forfaits gratuitos pal alumnáu de los centros escolares públicos, d’educación especial y concertaos
La Conseyería de Cultura, Política Llingüística y Deporte unvió esta selmana a los centros educativos les indicaciones pa participar na Selmana Blanca de la temporada 2024/2025. El programa, que tien por oxetivu fomentar la práctica deportiva ente les persones moces, va arrancar el próximu 10 d’avientu, si les condiciones meteorolóxiques lo dexen.
La comunidá educativa participante na Selmana Blanca va recibir formación n’esquí o snowboard en grupos de 8 o 6 persones, respectivamente, amás de la gratuidá del forfait d’accesu a les estaciones. Tanto los centros públicos, como los concertaos y d’educación especial puen beneficiase d’esti programa que contempla duraciones na estancia de 1 a 5 díes.
D’esta manera, la Conseyería de Deporte promueve l’acercamientu al deporte blanco de la ciudadanía mozo de forma igualitaria, faciendo posible esta práctica deportiva al alumnáu de tolos conceyos d’Asturies, independientemente del so allugamientu xeográficu. L’ambiente distintu al habitual, la convivencia ente iguales y el contactu intensu cola naturaleza son ferramientes educatives de gran valor pa la formación de los mozos y les moces.
Los centros interesaos van poder formalizar les inscripciones ente los díes 1 y 31 d’ochobre. Más tarde, el 10 d’avientu, va empezar la Selmana Blanca que se va desenvolver hasta’l 20 d’abril del 2025.
