Bruxeles y el Manneken Pis vistieron los colores d’Asturies.

Otru añu más, la Grand-Place de Bruxeles y el Manneken Pis vistieron los colores d’Asturies. Mientres tol finde, les gaites, pandereteres y tambores fixéronse oyer. Les sayes de les nueses bailadores dieron color a los adoquinos.

¿Sabíes que’l Manneken Pis (“homín mexón” en flamencu, esto ye, neerlandés) vístese un día al añu d’asturianu y mexa sidra? Cada añu’l Centru Asturianu de Bruseles organiza esta actividá qu’axunta a miles de persones bebiendo sidra asturiana del neñu más famosu d’Europa. Semeyes de la celebración asoleyaes pol Centru Asturianu de Bruseles.

El Manneken Pis (en neerlandés; ‘homín que mexa’) ye una estatua de bronce de 65.5 centímetros asitiada nel centru históricu de Bruxeles (Bélxica)​. Representa a un neñu pequenu desnudu mexando dientro del concu de la fonte.

Foi diseñada por un escultor de Brabante llamáu Jérôme Duquesnoy el Viejo y foi asitiada nel so sitial en 1618 o 1619. ​ Xuntu col Atomium y la Grand Place ye unu de los símbolos de Bruxeles y una de les sos atracciones turístiques principales, simbolizando l’espíritu independiente de los sos habitantes.