«Produz una inmensa murnia/tristeza
pensar que la naturaleza fala
mientres el xéneru humanu non la escucha».
Victor Hugo. ?
Salú Ambiental = Curiar de la nuesa Tierra y de nós mesmos
El 26 de setiembre celebramos el Día Internacional de la Salú Ambiental, una xornada de vital importancia empobinada a garantizar la sostenibilidá de los ecosistemes, en pro de la salú de les xeneraciones actuales y futures. Nun podemos recular nel tiempu, pero formamos parte de la xeneración que puede faer crecer los montes, curiar de l’agua y restaurar los suelos. Esta fecha sírvenos para movilizar midíes ambientales tresformadores en tolos rincones del mundu.
Coles mesmes, pretende concenciase a la población mundial sobro la importancia de curiar el nuesu planeta, los sos recursos naturales y les especies qu’habiten nél. La creación d’esta efeméride, nel añu 2011, foi por iniciativa de la Federación Internacional de Salú Ambiental (International Federation on Environmental Health (IFEH).
Esta organización tien la so see principal en Londres y arrexunta a más de 44 estaos miembros. El so llabor empobínase a la investigación científica y técnica en materia de salú ambiental. El lema pal 2024 ye Salú ambiental: Creación de comunidaes resilientes al traviés del amenorgamientu del riesgu de desastres y Mitigación y adaptación al cambéu climáticu.
¿En qué consiste la salú ambiental? Acordies con la Organización Mundial de la Salú (OMS), la salú ambiental ye aquella disciplina que s’encarga d’estudiar, prevenir y controlar factores ambientales y de la redolada que puedan influyir nos seres vivos.
Estos factores son:
– Brotes d’enfermedaes infeicioses
– Enfermedaes tresmitíes pel agua
– Seguridá alimentaria
– Contaminación del enagua
– Suministru d’agua potable
– Xestión de les agües residuales
– Control d’enfermedaes tresmitíes por vectores y plagues
Y tamién:
– Eliminación de los cadabres/cadaveres
– Abelugos d’emerxencia
– Contaminación atmosférica
– Puertos y control de fronteres
– Residuos peligrosos
– Participación nel diseñu de planes d’emerxencia
– Participar na información sobro los riesgos sanitarios y cómo evitalos.
– Vivienda y salú
Per otra parte, la salú ambiental ye considerada xuna política pública esencial, empobinada a prevenir y menguar l’apaición d’aquelles enfermedaes que son xeneraes por condiciones ambientales desaparentes.
