La contaminación del aire ye’l mayor riesgu ambiental para la salú humana na actualidá. Coles mesmes, agrava los efectos del cambéu climáticu, provoca perdes económiques y amenorga la productividá agrícola. Nun conoz barreres: toos tenemos la responsabilidá de protexer la nuesa atmósfera y garantizar un aire sano para toles persones.
Si collaboramos más allá de fronteres, sectores y llendes, vamos amenorgar la contaminación del aire por aciu inversiones colectives de tiempu, recursos y esfuerzos.
Nesti Día Internacional del Aire Llimpio per un cielu azul, faemos un llamamientu a toos —dende gobiernos y empreses hasta sociedá civil y particulares— a invertir en #AireLimpioAhora. Si faemos frente a la contaminación atmosférica de forma proactiva, vamos poder llograr un cambéu tresformador y garantizar un aire sano pa toles persones.
L’aire llimpio y los Oxetivos de Desenvolvimientu Sostenible. Nel documentu final de la Conferencia de les Naciones Xuníes sobro’l Desenvolvimientu Sostenible, tituláu “El futuru que queremos”, los países comprometense a promover polítiques de desenvolvimientu sostenible que contribuyeren a la bona calidá del aire nel contestu de les ciudaes y los asentamientos humanos sostenibles. Coles mesmes, l’Axenda 2030 pal Desenvolvimientu Sostenible reconoz —na so fueya de ruta pa llograr el desenvolvimientu sostenible, la protección del mediu ambiente y la prosperidá pa toos—qu’amenorgar la contaminación atmosférica ye importante pal cumplimientu de los Oxetivos de Desenvolvimientu Sostenible.
