Temperatures percima de los 40 graos nel Suroccidente. Dende’l puntu de vista pluviométricu, agostu foi en promediu rexonal un mes normal nel Principáu. Fonte: RTPA
Asturies rexistró n’agostu 19,2 graos de temperatura medio, 0,9 graos percima del promediu nel periodu de referencia 1991-2020 y la quinta temperatura medio más alta para esti mes dende 1961, según el resume climatolóxicu publicáu esti miércoles pola Axencia Estatal de Meteoroloxía (Aemet).
El mes d’agostu foi’l quintu más templáu de la serie (1961- 2024), siendo’l más templáu’l d’agostu de 2003 con 20,8 graos de temperatura medio, 2,5 percima del promediu mensual climatolóxicu.
L’Aemet apunta como llamativu’l comportamientu de la media de la temperatura mínimo diaria mientres el mes pasáu, que con 14,5 graos foi 1,5 graos cimeru al promediu del periodu de referencia y ocupa la tercer posición de la serie en valor más altu.
