- Fonte: RTPA /
La ocupación media tuvo ente’l 85 y el 90% hasta la primer selmana de setiembre. Remata un branu estraordinariu pal sector del camping con cifres cercanes al históricu rexistráu l’añu pasáu. La ocupación media tuvo ente’l 85 y el 90% hasta la primer selmana de setiembre. Munchos campings n’agostu volvieron a tar al 100%.
Los campings confíen n’algamar la cifra histórica de 300.000 viaxeros y 1.100.000 nueches de 2023. A falta de conocer los datos definitivos del INE, l’Asociación de Campings d’Asturies destaca la ocupación media nesti branu, con porcentaxes d’ente’l 85 y el 90%.
Xunto a los bonos datos d’ocupación, el sector n’Asturies resalta que cada vegada hai más visitantes nuevos que s’amiesten a los que repiten, lo que convierte a estes instalaciones, diz Laura Arias, presidenta de l’Asociación de Campings d’Asturies, en referente vacacional.
Los servicios más demandaos son los bungalows, siguíos de les parceles. Medra tamién el glamping, espliquen, con vecería que busca serviciu completu en plena naturaleza
La medría de la vecería estranxero, sobre manera nesta dómina, fai-yos ser optimistes de cara a algamar, o inclusive superar, les cifres de récor del añu pasáu.
