- El Tiempu n’Asturies.
- Semeya: Rubén Fraile, onde se ve’l Retriñon, braña del Gumial.
Alborecemos col cielu nuboso ya con unes temperatures que tan alrodiu de los 11ºC na costa y los 7ºC nel interior, rexistrándose nel puirtu Payares 1,8ºC.
Güei mos afeutará un frente retrogrado entamando pol oriente asturianu onde les precipitaciones sedrán más abondoses ya frecuentes, desplazándose a lu llargu’l día hacia l’ocidente pero perdiendo fuelle y malpenes dexando precipitaciones na fastera ocidental,. Na central s’esperá que llegue’l frente más allá del mediudía y que dexe poco más que dalgún xarabatu de calter moderáu a primera hora de la tarde. Les temperatures camudarán poco y l’ambiente sedrá fresco. La cota de nieve rondará los 1800m con tendencia a subir al atapecer y l’aire sedrá del nordés con dalguna racha molesta en zones del llitoral y puntos altos de montaña.
Mañana llunes una vegada que se dixebren les nublines y borrinos del alborecer quedará’l cielu escampláu con unes temperatures que subirán dalgo al mediudía y l’aire soplará del nordés con dalguna racha molesta na costa y zones altes, sobre too nes hores centrales del día empobinándonos nubosidá de retención durante la tarde na costa oriental d’Asturies.
El martes alboreceremos con nubes baxes, borrinos y nublines na metá norte d’Asturies, tando más escampláu hacia’l sur, situación que se va a repetir durante los siguientes díes y ye que l’aire nordés mos empobinará nubosidá de retención qu’afeutará sobre too al llitoral y fastera central asturiana. Les temperatures moveranse poco y l’ambiente nun sedrá desagradable.
