Puñu Remangu, un amuletu elegante, d’azabache, tradicional y fecho n’Asturies
@aidaholgadoL’AGÜEYAMIENTU, AOJO, AGÜEYU, MAL GÜEYU Y LA CIGÜA,
FIGA ASTURIANA O PUÑU D’ACEBACHE PARA COMBATILO
L’agüeyamientu, que los sos oríxenes perantiguos paecen ser comunes a diversos pueblos, ye una superstición universal que n’Asturies-al igual qu’en munches otres rexones-prendió con bastante fuerza.
Anque hubo quien pensó qu’el «agüeyu»-yera (cosa natural y non hechicería), polo xeneral nun se creía nesta esplicación, atribuyendo a quien producíen el mal una fuerza especial y peligrosa. Diches persones solíen tener dalgún defectu físicu o moral y dalgunes d’elles ignorar la so facultá. Asina,taben sobromanera dispuestes a producir el mal les lisiaes, les persones que tienen dos neñes en cada güeyu, les que tienen la vena del entreceyo bien abuitada y les solterones, por casu, aniciándose l’aojo por envidia, por maldiciones, por allabancies abusives o escesu de ciñu, pudiendo ser contraíu en cualquier llugar, abiertu o zarráu, quedando suxetos a él persones y animales sanos y formosos y exentos de tal posibilidá los feos.
