!Nun ye un inventu d’USA! Los Celtes, (qu’habitaben partes de lo que güei ye Irlanda, el Reinu Uníu y el norte de Francia) celebraben el Samhain, una fiesta pagana que marcaba’l final del branu y de les colleches, y el principiu del fríu y escuru iviernu qu’usualmente traía con él munches muertes.
Los Celtes creíen que la nueche antes del nuevu añu (31 d’ochobre), los dos mundos, el de los muertos y los vivos, xuniense de dalguna manera. Mientres Samhain, ellos pensaben que les pantasmes de los sos familiares y amigos apaecíen a causar problemes.
Ye por eso que yera tradición dexar comida na puerta (por que les pantasmes nun van entrar a pidir comida) y munches vegaes usaben mázcares, por que les pantasmes nun los reconocieren o los confundieren por otres pantasmes.
“All Hallows Eve” ye’l nome anglosaxón que colos sieglos foi dándose-y a esta particular tradición, el víspora del Día de Tolos Santos, qu’al traviés del tiempu y l’espaciu se deformaría na palabra “Halloween”. Cada 31 d’Ochobre, esta fecha yera amás una fiesta dedicada a dos dioses: Morrigan (diosa de la guerra y de la muerte) y Dagda (una deidá secundaria rellacionada cola bayura).
