Nun podía dexar de celebrar el Día de la Muyer Rural. Fáigolo col poema “Tierra podre”, que dio títulu al mio primer poemariu (Ediciones Camelot, 2016) y cola semeya de la mio tataragüela Dolores Miyar Fernández, cocinando n’Amandi, Villaviciosa.
Muyer rural de fuercia especial, que se separtó del home en momentos nos que yera daqué impensable. A ella y a toles muyeres rurales, esti poema que fala del desaniciu d’un mundu que se reconstrúi anguaño d’otru xeitu, pero que sigue vivu.
