Últimu conciertu de la temporada de Llan de Cubel. Demientres la Nueche d’Ánimes, día caberu del añu celta. En La Pola Siero!! Cartelu/ Xueves 31 octubre | 20:30 – 22:00 / “Asturies, Cultura en Rede”, Entrada: 6 € http://sieroentradas.com/
Temática: folk, música tradicional / Dirixíu a: tolos públicos / Duración: 70 minutos
Llan de Cubel ye un grupu asturianu de música folk, que trabaya sobro la tradición músical asturiana, dándo-y un nuevu soníu. Pa ello recurre al material recoyíu nos arquivos de los grupos asturianos d’investigación etnográfica, según a un llabor complementariu de trabayu de campu per parte de miembros del propiu grupu, ensin escaecer les temes más populares conocíos por tolos asturianos.
Dende los sos entamos en 1984, Llan de Cubel participó viviegamente nel procesu de revitalización de la cultura tradicional asturiana, contribuyendo igualmente a la divulgación de la mesma, sobremanera no qu’a música y llingua refierse. Anguaño ye la formación más consolidada dientro del movimientu folk autóctonu, siendo referencia importante pa les nueves xeneraciones.
