- Fonte: LNE / iagua.es / VER gráficu /
El retrete ye un llugar para la paz. El saneamientu de miles de millones de persones cuerre peligru por causa de los conflictos, el cambéu climáticu, los desastres y la falta de cuidu. El retrete ye un espaciu esencial, y de cutiu fechu de menos, que s’asitia nel centru de les nueses vides.
/
El saneamientu de miles de millones de persones cuerre peligru por causa de los conflictos, el cambéu climáticu, los desastres y la falta de cuidu. Cuando falta o nun cumple les condiciones fayadices dexa de ser lo que debe: un llugar seguru y que nun suponga un riesgu.
Naciones Xuníes tien 12 Oxetivos de Desenvolvimientu Sostenible (ODS) pa 2030, siendo’l númberu 6 llograr retretes seguros para toos. Desafortunadamente, esti ODS ta bien llueñe d’algamase. Inclusive nel nuesu país, sucesos como l’apocayá vivíu en Valencia enséñanos lo fráxiles que son estos servicios y l’importancia del so bon caltenimientu y usu, y cuan vulnerables sentímonos cuando nos falten.
Nel mundu 3.500 millones de persones siguen viviendo ensin servicios de saneamientu xestionaos de forma segura, ente elles 419 millones que defequen al campu, daqué que supon un riesgu pa la salú y en munchos casos pa la so integridá. Esto ye especialmente grave nel casu de les muyeres y menores, y dramáticu en zones de conflictu.
Ye fundamental adoptar midíes más rápides para ameyorar y protexer l’accesu de les persones al saneamientu con mires a construyir un mundu más xustu y pacíficu.
Evita’l gran atascu. Dacuando nun se rellaciona al inodoro, al fregadero o a los sumidorios de les cais col saneamientu, como si fueren entidaes independientes. Pero nun lu son. Tolo que tiramos al váter o al suelu acaba nes nueses redes de saneamientu, que nun aguanten tou. Los colectores y depuradores de les nueses ciudaes tán diseñaos para soportar y depurar agües que contienen borrafes fecales y papel hixénicu. Y namás.
