Lo que significa qu’el «Asturies, Patria quería» entrara nel primer cancioneru européu (y solo cinco cantares españoles lo llograren). L’himnu rexonal forma parte d’una antoloxía de 164 temes que representen a los 27 estaos de la UE.
- Fonte: LNE / noticia de l’Asociación /
«Asturies, patria quería», l’himnu oficial de la rexón dende 1984, ye agora, amás, unu de les ayalgues musicales d’Europa». Porque entró a formar parte, xuntu con cinco cantares españoles más, nel primer cancioneru del continente, una iniciativa premiada pola UE que foi impulsada por The European Union Songbook Association –entidá ensin ánimu d’arriquecimientu fundada en 2015 por trés daneses y un italianu–.
L’oxetivu foi axuntar la identidá musical europea como forma de que «les 27 poblaciones de la Unión vivan vides más enxareyaes», tal como esplicó’l fundador de l’asociación, Jeppe Marsling.
‘Asturies, patria querida’ formará parte del Cancioneru de la Xunión Europea
Ye un proyectu independiente qu’axunta seis canciones de cada país miembru
‘Asturies, patria querida’ ye una de les seis canciones seleccionaes en representación d’España que formarán parte del Cancioneru de la Xunión Europea. Ye un proyectu independiente qu’agrupa seis canciones de cada país miembru.
Por España, amás del ‘Asturies, patria querida’ en canciones populares tán el ‘Hola Don Pepito’ nel apartáu infantil, ‘Libre’ de Nino Bravo; ‘Si tú no estás aquí’ de Rosana Arbelo; y dos canciones de Joan Manuel Serrat, ‘La saeta’ y ‘Mediterráneo’.
