- Fonte: Actualidá Asturies /
Tolos conteníos siguen una llínea col usu d’iconos en trés dimensiones, una cartelería que xuega colos colores azul y mariellu de la bandera de la comunidá autónoma y mensaxes curtios que desenvuelven con finxos y datos el lema principal.
El Serviciu Públicu d’Empléu del Principáu d’Asturies (Sepepa) punxo en marcha la campaña Trabayamos por que nun pares cola que busca dar un xiru a la so imaxe para reforzar el so papel como organismu clave na intermediación llaboral. L’oxetivu ye poner el focu nos menores de 30 años, amontar la población activa y sofitar a les empreses asturianes que precisen incorporar personal.
La campaña va utilizar mientres un mes y medio, publicaciones nes redes sociales, medios de comunicación y *mupis de los principales conceyos d’Asturies. Tolos conteníos siguen una llínea más gayolera col usu d’iconos en trés dimensiones, una cartelería que xuega colos colores azul y mariellu de la bandera de la comunidá autónoma y mensaxes curtios que desenvuelven con finxos y datos el lema principal.
