Un gran salón urbanu que s’abrirá al Campoamor y al Antiguu. El diseñu de la plaza, ensin tráficu, preve remexos d’agua, grandes zones d’arboláu nes marxes, bancos corríos y un pequeñu aguaducho. Convertir la plaza de la Escandalera en «l’espaciu públicu más importante de la ciudá», «un gran salón urbanu» capaz de faer convivir l’alcuentru de los peatones, les conxustes y el descansu cola celebración de grandes espectáculos.
- Fonte: LNE / infografía / La Voz / LNE / El Comercio / Videu /
El propósitu del Conceyu yá tien el so reflexu nel diseñu del remate esterior del nuevu aparcamientu frente a los Álamos. Los arquiteutos Juan Tur y Daniel Cortizo (WALK Architecture & Landscape) remataron l’encargu que-yos fixo l’equipu de gobiernu de Canteli y sobro el qu’agora se llanzará la llicitación de los trabayos.
La resultancia presenta una nueva Escandalera ensin tráficu, que, desprovista del aislamientu de los coches, estiende la so conexón cola redolada y refuerza dos exes diagonales casi perdíos na actualidá. Gracies a la desapaición de les actuales entraes y salíes del aparcamientu, la nueva plaza va abrise escontra’l teatru Campoamor y al Antiguu, nes esquines Norte y Sureste, respectivamente.
Exes diagonales pa la nueva plaza de la Escandalera. Exes diagonales pa la nueva plaza de la Escandalera. La llínea mariella marca la nueva exa que va conectar el Campu San Francisco col Antiguu; la diagonal azul comunica’l Campoamor col edifico de la Xunta.
