El meyor llugar d’España onde ver osos en llibertá

Un auténticu paraísu arrodiáu de montes y llagos. Nel corazón d’Asturies, el Parque Natural de Somiedu álzase como l’escenariu ideal para esta esperiencia. La oportunidá de reparar osos pardos na so redolada natural atrai cada vez a más aventureros. Un destín asturianu ufierta esta esperiencia única ente paisaxes espectaculares y biodiversidá.

• Fonte: El Confidencial / semeya EFE/J.L.Cereijido

Esti espaciu protexíu, declaráu Reserva de la Biosfera pola Unesco, alluga una de les mayores concentraciones d’osos pardos na península. Los espertos encamienten madrugar o aprovechar l’atapecer, siempres con prismáticos en mano, pa maximizar les posibilidaes d’avistamientu. Amás, les visites empuestes, lideraes por conocedores de la zona, dexen reparar a los osos dende miradores estratéxicos ensin alteriar el so hábitat natural.

Los osos pardos qu’habiten en Somiedu son una subespecie afecha a los ecosistemes montascosos del cordal Cantábricu. Con una dieta omnívora, estos animales aliméntense principalmente de frutos, bayes y raigaños, anque dacuando pueden incluyir pequeños animales na so dieta. Son animales solitarios y crepusculares, lo que significa que tán más activos a l’amanecida y al atapecer, momentos ideales para intentar columbralos.

En primavera, les femes suelen vese coles sos críes, enseñándo-yos a buscar alimentu y a movese con precuru pol territoriu. Mientres la seronda, los osos aumenten la so actividá en busca de comida para atropar reserves antes d’envernar, xuna etapa que pasen n’abelugos naturales como cueves o zones montiegues apartaes. Estos comportamientos, característicos de los osos de Somiedu, dexen a los visitantes reparar detalles fascinantes de la so vida en llibertá.