Taller lliterariu «Creación y interpretación de poesía»

• La poesía tien una vertiente escénica que se vieno desarrollando y adaptando dende los sos empiezos. Actualmente la presentación oral de la poesía puede mezclase con recursos modernos como la tecnoloxía sonora electrónica o otros elementos contemporáneos como les imáxenes proyectaes o les nueves formes testuales. Esti taller pretende dar al alumnáu una serie de recursos de creación de poemes que depués podrán ser interpretaos énte un públicu.
• Los oxetivos son proporcionar a les personas participantes ferramientes de creación de poemes orientaos a la oralidá, esplicar los rudimentos básicos de la composición poética contemporánea, dar claves pa entender la propiocepción de los y les poetes y la so situación nel escenariu, deprender a interpretar testos propios o ayenos con públicu y crear una performance poética individual o colectiva a partir de les creaciones que salgan del taller.
• Miguel Rodríguez Monteavaro ye poeta, músicu y doctor n’Investigaciones humanístiques pola Universidá d’Uviéu. Vinculáu a la lliteratura, sobre too, ganó dellos premios de creación poética y consiguió varies residencies artístiques polos sos proyectos multidisciplinares. Los sos testos, escritos orixinalmente en gallego-asturianu y n’asturianu, fueron traducíos y publicaos en castellán, inglés, francés o polacu, ente otres llingües.

Miguel Rodríguez Monteavaro álzase col XXX PREMIU XUAN MARÍA ACEBAL DE POESÍA N’ASTURIANU

ASTURIASMUNDIAL.COM / L’escritor bualés Miguel Rodríguez Monteavaro foi galardonáu col prestixosu XXX Premiu Xuan María Acebal de poesía n’asturianu pola so obra Al disparar nunca parte.

El xuráu resaltó’l calter únicu d’esti poemariu, definiéndolo como “una biografía emocional” que destaca pola so ambición creativa, la so esperimentación formal y uno notable unidá temática y estilística que la convierte nun referente dientro de la poesía contemporanea en llingua asturiana.