- Principáu d’Asturies
- /El Principáu llanza la campaña Préstame pola vida dicítelo n’asturianupa promover l’usu de les llingües propies d’Asturies.
- La campaña incide na utilidá de les llingües pa comunicase y dar forma a cualquier pensamientu o suañu, ensin quedar namás n’usos, entornos o temátiques concretes.
- El temaPréstame pola vida, compuestu pola música Alicia Álvarez (Pauline en la Playa), val de banda sonora al anunciu de televisión y radio. Videu
La Viceconseyería de Cultura, Política Llingüística y Deporte punxo en marcha la campaña de promoción Préstame pola vida dicítelo n’asturianu, que fomenta la sensibilidá pa cola diversidá cultural y llingüística, poniendo de manifiestu que les nuestres llingües son una ferramienta perfecta pa comunicanos caldía y desenvolver cualquier pensamientu o suañu, ensin quedar namás pa usos, entornos o temátiques concretes. La campaña incluye tamién materiales n’eonaviegu, col lema Préstame pola vida dicircho en eonaviego.
Esta ye la idea que reflexa’l tema Préstame pola vida, compuestu pola música Alicia Álvarez y que l’artista cedió pa usalu como banda sonora de los spots televisivos y cuñes de radio d’esta campaña, qu’empieza a difundise en medios de comunicación y redes sociales a partir del martes 21 de payares, y que va tar activa hasta últimos d’añu.
Nuna segunda fase de la campaña, que se va desenvolver nel mes d’avientu, la Dirección Xeneral d’Acción Cultural y Normalización Llingüística va repartir materiales promocionales de refuerzu de la campaña.
El públicu interesao pue tamién atopar tol material informativo de la campaña na web www.politicallinguistica.es
