La sidra, virtú asturiana. La bébora más representativo de la rexón xenera una cultura en redol a la so ellaboración y consumu qu’acaba de ser declarada Patrimoniu Inmaterial de la Humanidá. Afaya tou sobro la bébora patrio…
- Fonte: El Comercio /
- En númberos, Asturies ye la principal productora de sidra d’España col 80% del volume total, bien percima de País Vascu, Galicia, Cantabria, Navarra o Canaries.
La imaxe d’alzar una botella al cielu para echar sidra, con muncha maña y puntería, nun vasu asitiáu per debaxo de la cintura ye tan icónica y representativa d’Asturies como lo son los Picos d’Europa, un horru nun paisaxe verde o un bon platu de fabada.
Pa los asturianos fala d’identidá, y llogra tresportanos darréu al chigre, a la última espicha de cumpleaños o a una fiesta de prau cualesquier; y a los de fora bastayos solo imaxinala para asitiar tal estampa nel Principáu. Si lleguen a velo en directu de xuru tan inmortalizando cola cámara del móvil antes de tratar de retrucar.
Qu’en Asturies hai una cultura que xira en redol a la sidra ye innegable, pos nun se trata solo d’un productu que gusta, que ta presente nel día ente día y mueve la economía rexonal. La vinculación va muncho más allá en tanto forma parte del ADN y atáñenos porque munchos han vistu faer sidra en casa y la mayoría encárgase de que nun falte p’acompañar la comida o esperala.
