«Sigue’l tiempu estable con iversiones térmiques»
- Alborecemos col cielu empuercáu de nubes altes ya con unes temperatures que tan alrodiu de los 3ºC, anque mos puertos de montaña onde ta soplando’l vientu ábrigu tan perriba d’esa temperatura, destacando los 9ºC de la Vega Urriellu, rexistrándose nel puirtu Payares 3.3ºC.
- Güei vamos tener dalguna nube alta sin más consecuencies, predominando los grandes claros o abancios con unes temperatures másimes n’ascensu ya col aire sele de componente sur.
- Mañana martes aumentará la nubosidá alta y dirá coyendo fuercia l’aire ábrigu con un ascensu moderáu de les temperatures.
- El miércoles l’aire ábrigu sedrá’l protagonista con raches fuertes en zones de montaña onde la nubosidá sedrá más abondosa ya tendremos dalguna precipitación, nel restu sedrán poco probables y les temperature van seguir subiendo, sobre too les mínimes que yá nun baxaremos de los 10ºC na mayor parte d’Asturies.
- El xueves la llegada d’una vaguada atlántica mos dexará precipitaciones pela tarde, la mañana sedrá más seliquina con grandes claros o abancios nel cielu y una vegada que pase’l frente que l’acompanga baxarán les temperatures y la cota de nieve qu’anicialmente tará nes cumes más altes, surdirá al final el día perriba de los 1300m.
- El vienres meyorará y la fin de selmana sedrá seliquina, sicasí’l domingu podríamos tener nubosidá baxa con dalgo d’orpín. Y de cara a los díes de Navidá l’anticiclón sedrá’l protagonista dexándonos un tiempu mui estable con temperatures fresques pela nueche y suaves a partir del mediudía, pero esto yá lu diremos viendo.
