Los únicos 18 conceyos d’Asturies que tienen más cotizantes que pensionistes (y solu unu supera la media nacional). Namá Llanera, con siete trabayadores per cada perceptor, ta percima de la media nacional (2,4), a la que s’averen Corvera (2,3) y Uviéu (2,2). Namá 18 de los 78 conceyos que tien Asturies (en porcentaxe, el 23%) cunten con más cotizantes a la Seguridá Social que ciudadanos que cobren una pensión. Son conceyos asitiaos principalmente na zona centro y nel oriente de la rexón, ente que na área occidental namá figuren Balmonte –onde esisten dos esplotaciones mineres d’oru– y Navia, conceyu qu’alluga actividá industrial nos sectores naval y lácteo.
