- Xueves 19 d’avientu de 2024
- 19:00 hores
- Auditoriu de la Casa de Cultura Teodoro Cuesta de Mieres
Cómo nos presta presentavos esta actividá. Un pequeñu homenaxe a Nacho Fonseca, profesor xubiláu y autor de les canciones que lleven años siendo la banda sonora de munches xeneraciones d’escolinos de Llingua asturiana y tamién de música.
Nesti espectáculu, con música en directu, participarán un total de 150 persones: profesores y alumnos del Conservatoriu, un coru de profesores, d’algunos d’ellos n’activu y otros yá xubilaos, y alumnáu del colexu Aniceto Sela, qu’interpretarán eses canciones.
Amás, Nacho Fonseca tará acompañau por Alicia Álvarez, periodista y componente del grupu “Pauline en la playa” que ye, a la vez, la editora del llibru “Canciones pa la Xentiquina, una selección sentimental de Nacho Fonseca”.
Dambos dirán representándonos les canciones que van sonar y de xuru que Nacho Fonseca va contanos bien d’anécdotes que tien vivío a lo llargo de los años al frente de Xentiquina.
El conciertu tendrá llugar nel Auditoriu de la Casa de Cultura el viniente xueves 19 d’avientu a les 19:00 hores, yá qu’l salón del Conservatoriu de Música queda pequeñu pa un espectáculu d’esti tipu nel qu’habrá un gran númberu de participantes.
Entraes disponibles nel Conservatoriu dende’l llunes 16 d’avientu.
