Acompañando a Aníbal Hannibal y Miguel Rodríguez Monteavaro na presentación del portal «Asturian Writers» pa visibilizar y promocionar la lliteratura propia n’asturianu. La Llocura Llibrería-Café Mieres. Un momentu de la presentación.
- El proyectu Asturian Writers naz de la necesidá urxente que tien la lliteratura fecha n’Asturies d’espandese pel mundu.
- web: Asturian Writers / Instagram / Contacta con nós nel corréu: asturianwriters@gmail.com
Güei, na presentación de @asturian_writers, axuntóse un montón de xente pa celebrar el nacimientu d’esta plataforma. El presente y el futuru de la lliteratura asturiana tuvieron presentes en @lallocura (mil gracies, siempre!) y pudimos brindar por ello. Vamos tentar de poner un cartel que diga «UNIVERSAL» na entrada de la nuestra casa pa que tol mundu vea quién somos y pa que la nuestra xente entre y salga con normalidá. Gracies por too. Vamos siguir avanzando. Con @m.r.monteavaro y @anibalismos. Fotos de @isalobohuerta.
Llectores d’equí o d’otres tierres, editores, programadores, traductores, correctores, xente del mundu, adentráivos na lliteratura d’Asturies: de xuru que nun vais marchar d’equí indiferentes.
Depués de sieglos viéndose arrequexaes nun territoriu montañosu y marín a la par, les llingües propies d’Asturies, l’asturianu y el gallegu, tienen agora por fin la oportunidá de ser conocíes fuera de les fronteres físiques o mentales que les vieron nacer y desenvolvese. Ye por esto polo qu’Asturian Writers s’asitia agora como una plataforma d’encuentru y d’apoyu a toes aquelles iniciatives lliteraries contemporánees neses variedaes llingüístiques y anúnciase como un espaciu llibre, sin prexuicios y con vocación de futuru. Les lletres asturianes, tan variaes y riques, amuéstrense nesti portal na so plenitú adulta y cola vista puesta na visibilización y promoción de la lliteratura propia. Asturian Writers va tar siempre abiertu a la universalidá.
